ភ្នំពេញៈ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងលោក លី ចាន់ស៊ូ ប្រធានសភាប្រជាជនទូទាំងប្រទេស នៃសាធារណរដ្ឋប្រជាមានិតចិន នឹងអញ្ជើញជា អធិបតីភាពដ៏ខ្ពង់ខ្ពស់ ដឹកនាំកិច្ចប្រជុំស្តីពីការពង្រឹងពង្រីកកិច្ចសហប្រតិបត្តិការរវាងសភាប្រទេស ទាំងពីរ តាមប្រព័ន្ធវីដេអូ
នៅថ្ងៃចន្ទ ទី១៨ ខែមករា ឆ្នាំ២០២១ នេះ។
ក្នុងឱកាសនៃជំនួបទ្វេភាគីនេះ ប្រធានរដ្ឋសភាកម្ពុជានិងប្រធានសភាប្រជាជនចិនទូទាំង ប្រទេស នឹងអញ្ជើញថ្លែងសុន្ទរកថាគន្លឹះ នៅក្នុងឱកាសបើកនៃកិច្ចប្រជុំ បន្ទាប់មកសមភាគីទាំងពីរ នឹងផ្តល់វេទិកាជូនគណៈប្រតិភូជាន់ខ្ពស់រដ្ឋសភាកម្ពុជា ដឹកនាំដោយ លោកជំទាវកិត្តិសង្គហបណ្ឌិត ឈួន សុដារី អនុប្រធានទី២ នៃរដ្ឋសភា អមដោយគណៈកម្មការជំនាញចំនួន៤ របស់រដ្ឋសភា ចំណែក គណៈប្រតិភូជាន់ខ្ពស់សភាប្រជាជនចិនតំណាងទូទាំងប្រទេស ដឹកនាំដោយលោក ចាន់ ឃុន ស៊ាន អនុប្រធានសភាប្រជាជនចិនទូទាំងប្រទេស អមដោយគណៈកម្មាធិការជំនាញចំនួន៤ របស់ សភាប្រជាជនចិនទូទាំងប្រទេស ដើម្បីពិភាក្សាផ្លាស់ប្តូរទស្សនៈយោបល់ និងការចែករំលែកបទ ពិសោធន៍ជាមួយគ្នាទៅវិញទៅមក លើប្រធានបទសំខាន់ៗមួយចំនួន ដើម្បីជំរុញលើកកម្ពស់កិច្ច សហប្រតិបត្តិការសភាប្រទេសទាំងពីរឱ្យកាន់តែស៊ីជម្រៅ និងគ្រប់ជ្រុងជ្រោយ ទាំងក្នុងក្របខណ្ឌ ទ្វេភាគីនិងពហុភាគី ដែលមានដូចជា៖
ការផ្លាស់ប្តូរបទពិសោធន៍ និងកិច្ចសហប្រតិបត្តិការផ្នែកច្បាប់ កិច្ចសហប្រតិបត្តិការអន្តរជាតិប្រឆាំងនឹងរោគរាតត្បាត ការស្តារសេដ្ឋកិច្ចនាដំណាក់កាលក្រោយរោគរាលដាលស្ថានភាពអន្តរជាតិ និងក្នុងតំបន់។
រដ្ឋសភានៃព្រះរាជាណាចក្រកម្ពុជា និងសភាប្រជាជនទូទាំងប្រទេសនៃសាធារណរដ្ឋប្រជាមានិត ចិន មានកិច្ចសហប្របត្តិការគ្នាយ៉ាងស្អិតរមួតទាំងនៅក្នុងក្របខណ្ឌទ្វេភាគី និងពហុភាគី ដែលកន្លង មក សភាប្រទេសទាំងពីរបានផ្លាស់ប្តូរដំណើរទស្សនកិច្ចគ្នាទៅវិញទៅមកនៅគ្រប់កម្រិត និងបានគាំ ទ្រគ្នាទៅវិញទៅមកនៅលើវេទិកាអន្តរសភានានាជាប្រចាំផងដែរ៕ រក្សាសិទ្ធិដោយ: ចេស្តារ
