ភ្នំពេញៈ មន្ត្រីជាន់ខ្ពស់គណបក្សហ្វ៊ុនស៊ិនប៉ិច បានប្រាប់ CEN ឲ្យដឹងថា សម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ្វ៊ុនស៊ិនប៉ិច ដែលកំពុងតែគង់នៅប្រទេសបារាំង នឹងមិនអាចយាងមកកម្ពុជាបានមុនថ្ងៃទី២៧ ខែកុម្ភៈ ឆ្នាំ២០២១ ដើម្បីចូលរួមសមាជនោះទេ។ ហើយទាក់ទងការគ្រោងធ្វើសមាជរបស់គណបក្សហ្វ៊ុនស៊ិនប៉ិច នៅថ្ងៃទី២៧ ខែកុម្ភៈ ឆ្នាំ២០២១ គឺមិនទាន់មានអ្វីជាផ្លូវការនៅឡើយទេ។ ពីព្រោះសមាជទាន់រែមានសម្តេចក្រុមព្រះ នរោត្តម រណឫទ្ធិ យាងមកជាព្រះអធិបតីដល់សមាជ។ ហើយសមាជអាចប្រព្រឹត្តបាន និងទៅតាមលក្ខន្តិកៈគណបក្សហ្វ៊ុនស៊ិនប៉ិច គឺសមាជត្រូវកោះដោយប្រធានគណបក្ស។ ហើយបញ្ហាសំខាន់ព្រះវត្តមានព្រះអង្គ គឺមិនដឹងថា ពេលណាដែលព្រះអង្គត្រឡប់ទៅវិញ ។ ហើយរហូតមកដល់ពេលនេះ មិនមានព័ត៍មានជាផ្លូវការទាក់ទងជាមួយនឹងការយាងរបស់សម្តេចក្រុមព្រះនៅឡើយទេ។
ប្រភពដដែលបន្តថា បញ្ហាសំខាន់មួយទៀត មិននឹងអាចឈានទៅសមាជបានលុះត្រាតែរចនាសម្ព័ន្ធគណបក្សតាំងពីថ្នាក់មូលដ្ឋាន ថ្នាក់ឃុំ ស្រុក ខេត្ត និងថ្នាក់ជាតិ មានរចនាសម្ព័ន្ធគ្រប់គ្រាន់ និងរចនាសម្ព័ន្ធប្រធានក្រុមការងាេខេត្តទាំងអស់ឲ្យមានរចនាសម្ព័ន្ធពេញលេញបានអាវធ្វើទៅបាន ពីព្រោះកន្លងមកនេះ គណបក្សមានការដោះដូរប្រធានក្រុមការងារមួយចំនួន និងមានការបញ្ចប់បេក្ខភាពប្រធានក្រុមការងារខេត្តមួយចំនួន ដូច្នេះនៅចន្លោះប្រហោងបេក្ខភាពដែលត្រូវបំពេញទៅតាមរចនាសម្ព័ន្ធឲ្យបានគ្រប់ទើបអាចសមាជបាន៕
សូមរំលឹកថា សម្តេចក្រុមព្រះ នរោត្តម រណឫទ្ធិ និងអ្នកម្នាង អ៊ុក ផល្លា បានជួបគ្រោះថ្នាក់ចរាចរណ៍លើផ្លូវជាតិលេខ ៤ ចន្លោះ គីឡូម៉ែត្រ ២០០-២០១ នៅចំណុចភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ កាលព្រឹកថ្ងៃទី១៧ ខែមិថុនា ឆ្នាំ២០១៨ ។ នៅក្នុងគ្រោះថ្នាក់ចរាចរណ៍នេះ សម្តេចក្រុមព្រះ បានរងរបួសធ្ងន់ និងអង្គរក្សរងរបួស ។ ចំណែកអ្នកម្នាង អ៊ុក ផល្លា បានទទួលមរណភាព ។ សម្តេចក្រុមព្រះ នរោត្តម រណឫទ្ធិ បច្ចុប្បន្ននេះ ត្រូវបានម្ចាស់ក្សត្រីយ៍ អេង ម៉ារី មើលថែទាំព្រះរាជសុខភាពរបស់ព្រះអង្គ ចាប់តាំងពីព្រះអង្គជួបគ្រោះថ្នាក់ចរាចរណ៍នៅផ្លូវជាតិលេខ ៤ កាលពីថ្ងៃទី ១៧ ខែមិថុនា ឆ្នាំ២០១៨ រហូតមកដល់ពេលនេះ ៕ រក្សាសិទ្ធិដោយ ៖ ចេស្តារ
