Monday, December 6, 2021

ជប៉ុន​កំពុង​ត្រៀម​រង​ទទួល​កំពូល​ព្យុះ Lan ដែល​ភ្នែក​ព្យុះ​ទំហំ 80km (​ហើយ​ប្រមោយ​របស់​វា​ទៅដល់​ទាំង​ប្រទេស​អាមេរិក​)

​កំពូល​ព្យុះ​លែ​ន​ត្រូវបាន​ចាត់ទុកជា​កំពូល​ព្យុះសង្ឃរា នៅ​ថ្ងៃទី​២០ ខែ​១០(​ម៉ោង​ក្នុង​តំបន់​) ល្បឿន​ព្យុះ​នេះ 240km/h​។​

​កំពូល​ព្យុះ Lan កំពុង​បង្កើន​ថាមពល​ខ្លាំង​ឡើងៗ និង​មានលទ្ធភាព​វាយលុក​ប្រទេស​ជប៉ុន បោសសំអាត​ចំ​ទីក្រុង​Tokyo ដែលមាន​ពលរដ្ឋ​ច្រើន​នៅក្នុង​ទីក្រុង​នោះ​។​

​ភ្នែក​កំពូល​ព្យុះ Lan

​ពួក​ឧតុនិយម​វាយតម្លៃថា ៖ រយៈ​ចម្ងាយ​រង​ឥទ្ធិពល​របស់​វា​រាប់រយ​គីឡូម៉ែត្រ​ឯណោះ ពោលគឺ​រំលង​ផុត​មហាសមុទ្រ​ប៉ាស៊ីហ្វិក​ចូល​កៀក​ដល់​ឆ្នេរសមុទ្រ​ប៉ែក​ខាងកើត​ប្រទេស​អាមេរិក​។​

​​លក្ខណៈពិសេស​មួយ​របស់​ព្យុះ​នេះ​អាច​សម្គាល់​ឃើញច្បាស់​តាមរយៈ​រូបភាព​ផ្កាយរណប គឺ​វា​កំពុង​រីកធំឡើងៗ ហើយ​ភ្នែក​ព្យុះ​មាន​វិ​ជ្ជ​មាឌ​ដល់​ទៅ 80km​។​

​មជ្ឈមណ្ឌល​សហប្រតិបត្តិ​ការប្រកាស​ព័ត៌មាន​អំពី​ព្យុះ​ឲ្យ​ដឹងថា កំពូល​ព្យុះ​Lan នឹង​ឡើងដល់​កម្រិត​ទី​៥ ហើយ​ចលនា​តាម​ទិស​ខាងជើង​-​ឦសាន នៅ​ថ្ងៃទី​២១ ខែ​១០ (​ម៉ោង​ក្នុង​តំបន់​)

ផែនទី​២​បង្ហាញ​ពី​ចរន្ត​ខ្យល់​គួច​របស់​កំពូល​ព្យុះ Lan ពេល​រាល​មកកាន់​ភាគ​ខាងជើង​សមុទ្រ​ប៉ាស៊ីហ្វិក​

​កំពូល​ព្យុះ Lan នឹង​ចាប់ផ្តើម​ធ្វើការ​វាយប្រហា​រ​នៅ​អំ​ឡុងចុង​សប្តាហ៍​នេះ បន្ទាប់មក​វា​នឹង​បក់បោក​ចូលដល់​តំបន់​សមុទ្រ​ត្រជាក់​ជាង​មាន​ខ្យល់​ខ្លាំង​នៅ​ទីទួល​ខ្ពស់ ធ្វើ​ឲ្យ​ព្យុះ​នេះ​ចុះខ្សោយ ពេល​ចុះខ្សោយ​កំពូល​ព្យុះ Lan ត្រូវបាន​ព្យាករណ៍​ថា នឹង​ចលនា​ទៅកាន់​តំបន់​សមុទ្រ​ជប៉ុន​។ បោសសំអាត​បណ្តា​តំបន់​ជិត​ក្រុង​Tokyo នៅ​ថ្ងៃ​២២ ខែ​១០ ហើយនឹង​បន្ត​វាយប្រហារ​ផ្ទាល់​រដ្ឋធានី Tokyo នៅ​ថ្ងៃ​២២-២៣ ខែ​១០​។​

​ពេលនោះ​កំពូល​ព្យុះ Lan នៅមានកម្រិត​២ ប៉ុន្តែ​វា​បានប្រែក្លាយ​ជា​ព្យុះ​ខ្លាំង​និង​មាន​ឥទ្ធិពល​ធំ​ទូលាយ មិនមែន​ត្រឹមតែ​ព្យុះ​ត្រូពិច​នោះទេ ។ យ៉ាងនេះ​ក្តី​វា​អាច​បង្ក​មហន្តរាយ​ធ្ងន់ធ្ងរ​ដល់​រដ្ឋធានី Tokyo ជាអាទិ៍​៖​ការ​ជន់​លិច​តាម​តំបន់​បណ្តោយ​ឆ្នេរសមុទ្រ​និង​ដីគោក​ដោយសារ​ភ្លៀង​ខ្លាំង ហើយ​ខ្យល់​ខ្លាំង​បង្ក​ទៅជា​មហន្តរាយ​៕​