ភ្នំពេញ ៖ ជាការកត់សម្គាល់ គ្រោះថ្នាក់ចរាចរណ៍នាពេលបច្បុប្បន្ននេះ ឃើញថាបានកើតឡើងឥតឈប់ឈរជារៀងរាល់ថ្ងៃ មិនថាពេលឈប់ ឬក៏ពេលថ្ងៃនោះទេ ដែលបណ្តាលឲ្យមានការស្លាប់ និងរបួស គួរឲ្យព្រួយបារម្ភជាខ្លាំង។
វាជាការពិតណាស់ហើយថា គ្រោះថ្នាក់ចរាចរណ៍ គឺបានកើតឡើង ដោយសារបណ្តាលមកពីកក្តាការបើកបរមិនចូលរួមគោរពច្បាប់ចរាចរណ៍ដូចជា៖ បើកបរលើសល្បឿនកំណត់ បើកបរមិនចេះយោគយល់គ្នា បើកបរក្នុងស្ថានភាពស្រវឹង បើកបរមិនពាក់មួកសុវត្ថិភាព បើកបរមិនមានការប្រុងប្រយ័ត្ន និងបើកជែងព្រហើនៗជាដើម។
ទាក់ទងនឹងលើកឡើងពីកក្តាដែលបណ្តាលឲ្យកើតមានគ្រោះថ្នាក់ចរាចរណ៍នេះផងដែរ ក្នុងនោះអ្នកប្រើប្រាស់បណ្តាញសង្គមម្នាក់ ក្នុងនាមជាអ្នកប្រើប្រាស់រថយន្ត បានបញ្ចេញវីដេអូចំនួន២ បង្ហាញឲ្យឃើញអ្នកបើកបរម៉ូតូភាគច្រើន គឺមិនសូវជាគោរពច្បាប់ និងមានការប្រុងប្រយ័ត្នពីគ្រោះថ្នាក់នោះទេ ដោយគាត់បានភ្ជាប់សារបង្ហាញអារម្មណ៍បែបនេះថា៖ «សុទ្ធកំពូលមនុស្ស ចេញពីផ្ទះម្ដងៗចង់គាំងបេះដូង»។
ជាមួយគ្នានេះផងដែរ ឃើញថា មានអ្នកប្រើប្រាស់ឡានដែលពួកគាត់បើកបរគោរពច្បាប់ ក៏បានបញ្ចេញឲ្យដឹងថា៖ «រាល់ថ្ងៃបែបនឹងហើយ អ៊ីចឹងបានខ្ញុំមិនចង់ជិះឡាន, រាល់ថ្ងៃមានលុយទិញម៉ូតូជិះ ដឹងតែពីជិះ គ្មានស្គាល់ច្បាប់ប្រកាន់ឆ្វេងឬស្តាំទេ ពិបាកណាស់, ជិះម៉ូតូដាក់ភ្នែកទៅក្រោយហើយបែប, សីលធម៌មនុស្សក្នុងការបើកបរម៉ូតូ និង PassApp ក្នុងសង្គមបច្ចុប្បន្ន មានការធ្លាប់ចុះគួរអោយព្រួយបារម្ភ។ អ្នកបើករថយន្តទាំងឡាយ ខ្លាចពួកគាត់ណាស់!»៕ រក្សាសិទ្ធិដោយ៖ លឹម ហុង
