ក្រុមហ៊ុនអាកាសចរណ៍សិង្ហបុរី (Singapore Airlines) កាលពីថ្ងៃព្រហស្បតិ៍ទី ៤ ខែកុម្ភៈ បានប្រកាសពីការខាតបង់ប្រាក់ចំណូលសុទ្ធចំនួន ១៤២ លានដុល្លារសិង្ហបុរី នៅក្នុងត្រីមាសទី ៣ឆ្នាំ២០២០ ដោយសារចំនួនអ្នកដំណើរបានធ្លាក់ចុះ ៩៧,៦ ភាគរយ ក៏ព្រោះតែជំងឺរាតត្បាតកូវីដ១៩ ទោះជាយ៉ានេះក្តី អាជីវកម្មដឹកទំនិញរបស់ខ្លួនបានរក្សាបាននូវកំណើនល្អ បើទោះបីជាទីផ្សារដឹកទំនិញមានភាពចង្អៀតក្តី។
ការខាតបង់ បើប្រៀបធៀបនឹងប្រាក់ចំណេញ ៣១៥ លានដុល្លារសិង្ហបុរីនៅក្នុងត្រីមាស បានបញ្ចប់នៅថ្ងៃទី ៣១ ខែធ្នូ។ ប្រាក់ចំណូលបានធ្លាក់ចុះ ៧៦,១ ភាគរយស្មើនឹង ១,០៧ ពាន់លានដុល្លារសិង្ហបុរី។
ក្រុមហ៊ុនអាកាសចរណ៍សិង្ហបុរីបានប្រតិបត្តិការប្រហែលតែ ១៩ ភាគរយនៃសមត្ថភាពអ្នកដំណើរក្នុងអំឡុងពេលនៃការឆ្លងកូវីដ១៩កាលពីខែធ្នូ ហើយបាននិយាយថាខ្លួនរំពឹងថានឹងឈានដល់កម្រិតធម្មតាប្រមាណ ២៥ ភាគរយនៅចុងខែមេសាឆ្នាំនេះ ខណៈដែលក្រុមហ៊ុនបានបន្ថែមជើងហោះហើរទៅតាមកាលវិភាគរបស់ខ្លួនទោះបីជាមានការរីករាលដាលនៃវីរុសកូវីដ១៩ប្រភេទថ្មីក៏ដោយ។
ក្រុមហ៊ុនអាកាសចរណ៍បាននិយាយនៅក្នុងសេចក្តីថ្លែងការណ៍មួយថា ៖ «ស្របតាមការបើកដំណើរការជាបណ្តើរ ៗ របស់សិង្ហបុរី ក្រុមហ៊ុននេះរំពឹងថានឹងមើលឃើញពីការពង្រីកបណ្តាញអ្នកដំណើរក្នុងរយៈពេលប៉ុន្មានខែខាងមុខនេះ» ។ «យើងនឹងបន្តឃ្លាំមើលស្ថានភាពនៃការរឹតត្បិតការធ្វើដំណើរនិងកែសម្រួលសមត្ថភាពរបស់យើងឱ្យសមស្របទៅនឹងតម្រូវការធ្វើដំណើរ។»
ក្រុមហ៊ុនអាកាសចរណ៍នេះនឹងចាប់ផ្តើមប្រតិបត្តិការនូវយន្តហោះប៊ូអ៊ីង ៧៣៧-៨០០ នៅចាប់ពីខែមីនាដែលជាផ្នែកមួយនៃផែនការ និងបញ្ចូលគ្នាជាមួយក្រុមហ៊ុន Silk Air ដោយរំពឹងថានឹងធ្វើការច្របាច់បញ្ជូលគ្នាពេញលេញនៅខែមីនាឆ្នាំ ២០២២ ។
ក្រុមហ៊ុនអាកាសចរណ៍សិង្ហបុរីបានរកប្រាក់ចំនួន ១៣,៣ ពាន់លានដុល្លារសិង្ហបុរីចាប់តាំងពីការចាប់ផ្តើមរាតត្បាត ហើយបាននិយាយថាការពិភាក្សាអំពីការលក់យន្តហោះនិងកិច្ចព្រមព្រៀងជួលវិញគឺស្ថិតនៅក្នុងដំណាក់កាលបន្ទាប់។
បុគ្គលិករបស់ក្រុមហ៊ុនអាកាសចរណ៍បានចាប់ផ្តើមចាក់វ៉ាក់សាំងប្រឆាំងនឹងកូវីដ-១៩ ដែលជាផ្នែកមួយនៃគោលដៅរបស់រដ្ឋាភិបាលក្នុងការធ្វើអោយក្រុមហ៊ុនអាកាសចរណ៍ដំបូងគេដែលបានចាក់វ៉ាក់សាំង ឲ្យនយោជិកឱ្យបានពេញលេញ។ ក្រុមហ៊ុនអាកាសចរណ៍កាលពីឆ្នាំមុនបានកាត់បន្ថយការងារចំនួន ៤ ៣០០ កន្លែងឬប្រហែល ២០ ភាគរយនៃបុគ្គលិករបស់ខ្លួន ដោយសារតែវិបត្តិសុខពិភពលោកកូវីដ១៩៕ Reuters
