ភ្នំពេញ ៖ បុរសម្នាក់រត់កង់បីដឹកភ្ញៀវបើកបរក្នុងលឿនលឿន ដល់ផ្លូវបំបែកជា៤ ខ្វះការប្រុងប្រយ័ត្នបានជ្រុលចង្កូតទៅបុករថយន្តCRV កំពុងតែឆ្លងផ្លូវចំពីចំហៀងខាងមុខ បណ្តាលឲ្យខ្ទាតទៅមុខក្រឡាប់ផ្ងារជើង រងរបួសភ្ញៀវម្នាក់ និង២នាក់ទៀតមិនមានរងរបួសនោះទេ។
ហេតុការណ៍គ្រោះថ្នាក់ចរាចរណ៍នេះដែរ បានកើតឡើងកាលពីវេលាម៉ោង ៨ និង ៣០ នាទីយប់ថ្ងៃអាទិត្យទី ៧ ខែកុម្ភៈឆ្នាំ ២០២១ ស្ថិតនៅតាមបណ្ដោយផ្លូវ R8 ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
បើយោងតាមប្រភពព័ត៌មានពីប្រជាពលរដ្ឋ នៅកន្លែងកើតហេតុបានឲ្យដឹងថា មុនពេលកើតហេតុគាត់បានឃើញរថយន្តម៉ាកCRVមួយគ្រឿងពាក់ផ្លាកលេខ 2-J 2466 បើកបរដោយបុរសម្នាក់ និងរួមដំណើរ៣នាក់ទៀត ធ្វើដំណើក្នុងទិសដៅពីលិចមកកើត ខណៈមកដល់ចំណុចកើតហេតុផ្លូវបំបែកជា៤ ស្រាប់តែមានកង់បីមួយគ្រឿងទៀតពណ៌លឿងពាក់ផ្លាកលេខ ភ្នំពេញ1HG 1904 បើកបរដោយបុរសម្នាក់ និងដឹកភ្ញៀវ៣នាក់ទៀតពីខាងក្រោយ បើកក្នុងល្បឿនលឿនចាប់ហ្វ្រាំងមិនទាន់ ជ្រុលទៅបុកពីចំហៀងខាងមុខពេញទំហឹងបណ្តាលឲ្យក្រឡាប់ផ្ងារជើង និងរងរបួសភ្ញៀវម្នាក់បញ្ជូនទៅមន្ទីរពេទ្យ។
ក្រោយពេលកើតហេតុសមត្ថកិច្ចមូលដ្ឋានសហការជាមួយ និងជំនាញចរាចរណ៍ ចុះមកដល់រួចធ្វើការវាស់វែងយករថយន្តនិងកង់បីទៅរក្សាទុកនៅ អធិការដ្ឋានខណ្ឌដូនពេញរង់ចាំដោះស្រាយនៅពេលក្រោយ៕ រក្សាសិទ្ធិដោយ៖ សា មេត
