ស្ទឹងត្រែង ៖ ភ្លើងឆេះព្រៃសហគមន៍ឈើក្រញូង នៅក្នុងឃុំចំការលើ ស្រុកថាឡាបរិវ៉ាត់ ខេត្តស្ទឹងត្រែង នៅរសៀលថ្ងៃទី ៨ ខែកុម្ភៈ ឆ្នាំ ២០២១។
តាមសេចក្តីរាយការណ៍បានប្រាប់ឲ្យដឹងថា ប៉ុន្មានឆ្នាំចុងក្រោយនេះ ព្រៃសហគមន៍ឈើគ្រញូង ត្រូវបានឈ្មួញលួចកាប់និងទន្ទ្រានយកធ្វើជាកម្មសិទ្ធិឯកជន។ ក្រៅពីនេះភ្លើងឆេះព្រៃកំពុងបំផ្លាញដោយមិនមានការទប់ស្កាត់ ពីអ្នកការពារសហគមន៍ និងសមត្ថកិច្ចពាក់ព័ន្ធឡើយ។
បើសិនជាគ្មានការចូលរួមពីសមត្ថកិច្ចពាក់ព័ន្ធការពារ ឲ្យបានតឹងរ៉ឹងទេនោះ ព្រៃសហគមន៍មួយនេះ នឹងបាត់ឈ្មោះក្នុងពេលឆាប់ៗខាងមុខនេះ។
សូមបញ្ជាក់ថា សហគមន៍ព្រៃឈើក្រញូង មានផ្ទៃដីសរុបចំនួន ៩៨៥ ហិកតាស្ថិតនៅភូមិ-ឃុំចំកាលើ ស្រុកថាឡាបរិវ៉ាត់ ។
ដំបូងឡើយ សហគមន៍ឈើក្រញូងនេះ រៀបចំគម្រោងការពារដោយមានការសម្របសម្រួល ពីរដ្ឋបាលព្រៃឈើ ស្រុកថាឡាបរិវ៉ាត់ និងអង្គការ រី ឃូស, សហគមន៍ព្រៃឈើក្រញូង ទទួលបានប្រកាសពីក្រសួងកសិកម្ម រុក្ខាប្រមាញ់និងនេសាទ តាមប្រកាសលេខ ០៦៩ ប្រក.កសក ចុះថ្ងៃទី២៥ ខែមករា ឆ្នាំ២០១៧ និងមានកិច្ចព្រមព្រៀង ជាមួយខណ្ឌរដ្ឋបាលព្រៃឈើស្ទឹងត្រែង ថ្ងៃទី២៨ ខែមិថុនា ឆ្នាំ២០១៧ ។
ខណ្ឌរដ្ឋបាលព្រៃឈើ ក៏បានចុះហត្ថលេខាលើផែនការ គ្រប់គ្រងព្រៃសហគមន៍។
លោកស្រែ ទ្រី ប្រធានសហគមន៍ មិនអាចទំនាក់ទំនងបានតាមទូរស័ព្ទ៕ រក្សាសិទ្ធិដោយ៖សំណាង
