ភ្នំពេញ ៖ ការបញ្ជូនជនសង្ស័យទាំងពីរនាក់ ធ្វើឡើងនៅព្រឹកថ្ងៃទី៩ខែកុម្ភៈឆ្នាំ២០២១ ដោយកម្លាំងមន្ទីរប្រឆាំងបទល្មើសគ្រឿងញៀន បង្ក្រាបករណីជួញដូរគ្រឿងញៀន ដោយមានការសម្របសម្រួលពីលោក អ៊ុ សុភ័ក្តិព្រះរាជអាជ្ញារងនៃអយ្យការ អម សាលាដំបូង រាជធានី ភ្នំពេញ ។
សមត្ថកិច្ចបានបញ្ជាក់ថា ឃាត់ខ្លួនជនសង្ស័យ២នាក់ទី១- ឈ្មោះ JIA ZHIYANG ភេទ ប្រុស អាយុ ២៩ឆ្នាំ ជនជាតិចិន ( មេខ្លោងធ្លាប់ជាប់គុក ១ ឆ្នាំ ទើបចេញពីគុកបាន៣ខែពីបទរំលោភលើសេចក្តីទុកចិត្ត ) និងទី២- ឈ្មោះ ZHANG LEILIN ភេទប្រុស អាយុ២៦ ឆ្នាំ ជនជាតិចិន ។
ប្រតិបត្តិការអនុវត្តតាមបញ្ជា ឯកឧត្តម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តមនាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំ ផ្ទាល់របស់ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន កាលពីថ្ងៃទី៥ ខែកុម្ភៈ ឆ្នាំ ២០២១ កម្លាំងជំនាញនៃមន្ទីរប្រឆាំងបទល្មើស គ្រឿងញៀន(ក៧)បានស្រាវជ្រាវបង្ក្រាបករណីជួញដូរ រក្សាទុក គ្រឿងញៀន នៅចំណុចមុខបូរីប៉េងហូត (បឹងស្នោ ) នៅតាមលើផ្លូវជាតិលេខ១ និងបន្តទៅឈានឆែកឆេរផ្ទះលេខ ៣៥ ផ្លូវ P០៤ ក្នុងបូរីប៉េងហួត(បឹងស្នោ )សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ ។
វត្ថុតាងចាប់យកមាន ៖ គ្រឿងញៀនប្រភេទមេតំហ្វេតាមីន (ICE) សរុប ៩.៧៨៣,៧៣ ក្រាម។ បច្ចុប្បន្នជនសង្ស័យនិងវត្ថុតាង ចាប់យកខាងលើ សមត្ថកិច្ចជំនាញបានបញ្ជូនមកដល់សាលាដំបូងរាជធានីភ្នំពេញ ចាត់ការបន្តតាមនីតិវិធី ៕ រក្សាសិទ្ធិដោយ៖CEN