ភ្នំពេញ ៖ បុរសម្នាក់រួមអ្នកដំណើរបានបើករថយន្តក្នុងល្បឿនលឿនមិនប្រយ័ត្ន បានជ្រុលចង្កូតទៅបុកពីក្រោយរថយន្តហាយឡែនឌ័រ កំពុងរង់ចាំស្តុបបណ្តាលឲ្យរងការខូចខាតរថយន្តទាំងសងខាង។ សំណាងល្អមិនគ្រោះថ្នាក់ដល់មនុស្ស។
ហេតុការណ៍គ្រោះថ្នាក់ចរាចរណ៍នេះដែរ បានកើតឡើងនៅវេលាម៉ោង ២ និង ៥០នាទីយប់រំលងអធ្រាត្រឈានចូលថ្ងៃពុធ ទី៩ ខែកុម្ភៈឆ្នាំ ២០២១ ស្ថិតនៅតាមបណ្ដោយផ្លូវព្រះនរោត្តម ក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។
ប្រភពព័ត៌មានពីសមត្ថកិច្ចនៅកន្លែងកើតហេតុ បានឲ្យដឹងថា មុនពេលកើតហេតុគាត់បានឃើញរថយន្តម៉ាកហាយឡែនឌ័រមួយគ្រឿង ពណ៌ឈាមជ្រូកពាក់ផ្លាកលេខ ភ្នំពេញ2-AR 4326 បើកបរដោយបុរសម្នាក់ធ្វើដំណើរតាមបណ្តោយផ្លូវព្រះនរោត្តម ក្នុងទិសដៅពីជើងមកត្បូង ខណៈមកដល់ចំណុចកើតហេតុបានឈុបរងចាំស្តុប
ស្រាប់តែភ្លាមៗនោះដែរ គាត់បានឃើញរថយន្តមួយគ្រឿងទៀតម៉ាកអូឌីពណ៌សពាក់ផ្លាកលេខភ្នំពេញ2-BJ 5015 បើកបរដោយបុរម្នាក់រួមដំណើរម្នាក់ទៀត ធ្វើដំណើរពីក្រោយស្របទិសគ្នា ក្នុងទិសដៅពីជើងមកត្បូងក្នុងល្បឿនលឿន មកបុកពីក្រោយពេញទំហឹងបណ្តាលឲ្យរថយន្តរងការខូចខាតទាំងសងខាង។
ក្រោយពេលកើតហេតុសមត្ថកិច្ចមូលដ្ឋាន សហការជាមួយនឹងខាងជំនាញចរាចរណ៍ខណ្ឌបឹងកេងកង ចុះមកដល់រួចឲ្យភាគីទាំងពីរ សម្របសម្រួលគ្នាដោយខាងភាគីបង្កមិនចង់វែងឆ្ងាយ ក៏សងជាសំណងក្នុងការជួសជុលបញ្ចប់រឿងនៅកន្លែងកើតហេតុ៕ រក្សាសិទ្ធិដោយ៖ សា មេត
