ស្ទឹងត្រែង ៖ ក្រុមឈ្មួញរកស៊ីជួញឈើប្រណីតខុសច្បាប់ បានប្រើប្រាស់កំពង់ចម្លងទូកដរ ឃុំស្ដៅ ស្រុកសេសាន ពីត្រើយម្ខាងមកត្រើយម្ខាងទៀត ជារៀងរាល់យប់។
សកម្មភាពនោះត្រូវគេមើលឃើញថា សមត្ថកិច្ចមួយចំនួននៅមូលដ្ឋាន មិនមានវិធានការចុះបង្ក្រាបទេ គឺមានតែឈរចាំយកលុយប៉ុណ្ណោះ។
តាមប្រភពរាយការណ៍បានប្រាប់ឲ្យដឹងថា ឈើប្រណិតត្រូវបានឈ្មួញនៅឃុំស្ដៅ ស្រុកសេសាន កាប់ពីតំបន់គ្រប់គ្រងដោយមន្ត្រីបរិស្ថាន រួចដឹកតាមគោយន្តកន្ត្រៃមកទម្លាក់តាមផ្ទះ និងព្រៃក្បែរភូមិឃុំស្ដៅយ៉ាងអនាធិបតេយ្យ។
ប្រភពបានឱ្យដឹងទៀតថា នៅពេលយប់ទើបគេដឹកជញ្ជូនបន្តតាមគោយន្ត ឆ្លងទូកដរពីឃុំស្ដៅមកត្រើយម្ខាង ដើម្បីជញ្ជូនបន្តតាមម៉ូតូ ចូលក្នុងទីរួមខេត្តស្ទឹងត្រែង រួចចែកចាយតាមសិប្បកម្មកែច្នៃធ្វើជាគ្រឿងសង្ហារឹម៕ រក្សាសិទ្ធិដោយ៖សំណាង
