ភ្នំពេញ ៖ មន្ត្រីអនុរក្សពន្ធនាគារព្រៃស នៅព្រឹកថ្ងៃទី១០ ខែកុម្ភៈ ឆ្នាំ២០២១ បានបញ្ជូនលោកមៀច សំរួល អគ្គនាយកក្រុមហ៊ុនអាណាចក្រខ្មែរអចលនទ្រព្យ អគ្គនាយកខ្មែរស្មាតអិនវេសមែន និងក្រុមប្រឹក្សាភិបាលស្ថាបនិកខ្មែរក្លឹបCEO Khmer Club ឡើងតុលាការ ដើម្បីសួរនាំបន្ត ក្នុងសំណុំរឿងបណ្តឹងរបស់លោក វ៉ាវុត្ថារ៉ា ពាក់ព័ន្ធករណីឆបោក ក្លែងបន្លំឯកសារសាធារណៈ និងប្រើប្រាស់លីខិតឯកសារសាធារណៈក្លែង ដោយការកោះឲ្យនាំខ្លួនពីលោកចៅក្រមស៊ើបសួរ ឌុច សុខសារិន។
លោកមៀច សំរួល មាន អាយុ៣៧ ឆ្នាំ ស្នាក់នៅផ្ទះលេខ ៣៨ ផ្លូវលេខ៧ ក្នុងបុរីពិភពថ្មី សាលាមុំសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
គួរបញ្ជាក់ថា ជនត្រូវចោទលោក មៀច សំរួល ត្រូវកម្លាំងសមត្ថកិច្ចខណ្ឌសែនសុខ សហការជាមួយខណ្ឌពោធិ៍សែនជ័យ ឃាត់ខ្លួន តាមដីកាបង្គាប់របស់លោក ឌុច សុខសារិន ចៅក្រមស៊ើបសួរសាលាដំបូងរាជធានីភ្នំពេញ កាលពីនៅថ្ងៃទី១២ ខែវិច្ឆិកា លើផ្សារខេស៊ីក្នុងសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ៕ រក្សាសិទ្ធិដោយ៖បញ្ញាស័ក្តិ
