Saturday, December 3, 2022

ពេជ្រ សោភា រៀបចំ​បុណ្យ​៧​ថ្ងៃ ជូន​សព​នាង សាន ស្រី​ឡៃ​

spot_img

ភ្នំពេញ​-​តារាចម្រៀង ពេជ្រ សោភា បានប្រកាសថា ក្នុង​ពិធីបុណ្យ​៧​ថ្ងៃ​របស់ សព តារាចម្រៀង សាន ស្រី​ឡៃ នាង គឺជា​អ្នករ៉ាប់រង​ទាំងអស់ ខណៈដែល​បុណ្យ ៧​ថ្ងៃ នឹង​ប្រារព្ធ​ធ្វើឡើង​នៅ​ថ្ងៃ​សៅរ៍ ទី​២១ តុលា ២០១៧ នៅក្នុង​វត្ត​ទូល​ទំពូង​។

​រីឯ​ការអញ្ជើញ​ភ្ញៀវ ពេជ្រ សោភា បាន​អញ្ជើញ​ត្រឹមតែ​១០​តុ ប៉ុណ្ណោះ នាង​ថា ដើមឡើយ​នាង​ចង់​ចំណាយ​តែម្នាក់ឯង ប៉ុន្តែ​ដោយ​ចង់​ឲ្យ​ម្តាយ និង​សាច់ញាតិ​អ្នកនាង សាន ស្រី​ឡៃ មាន​ចំណែក​ក្នុង​ការជួយ​ឧទ្ទិស​កុស​ល្យ​ផល​បុណ្យ ទៅ​ឲ្យ​ដល់​កូនស្រី ទើប​នាង​បាន​ឲ្យ​ពួកគាត់​ចំណាយ លើ​ការ​ប្រគេន​ព្រះសង្ឃ ក្នុង​កម្មវិធី​បុណ្យ ដើម្បី​ជា​ចំណែក​របស់​សាច់ញាតិ​ឧទ្ទិស​ជូន​ដល់ ស្រី​ឡៃ ផងដែរ​។

​នាង​បានជ្រើសរើស​វត្ត​ទួល​ទំពូង ព្រោះតែ​វត្ត​នៅក្នុង​ក្រុង ងាយ​នឹង​មិ​ត្តិ​ភ​ក្កិ ងាយស្រួល​ចេញចូល​ផងដែរ​។ ទោះជា​យ៉ាងណា តាមរយៈ​តារាចម្រៀង ពេជ្រ សោភា ក៏មាន​សប្បុរសជន​មួយចំនួន បាន​ជួយ​ជា​ភេសជ្ជៈ សម្រាប់​ចាត់ចែង ក្នុង​កម្មវិធី​៧​ថ្ងៃនេះ​ផងដែរ​។​

​ចំណែក​ពិធី​បុណ្យសព ដែល​បាន​រៀបចំឡើង​នៅក្នុង​វត្ត​សែន​សុខ នោះ​ការចំណាយ​ក្នុង​ពិធីបុណ្យ​សរុប​ទាំងអស់ អស់​ប្រមាណ​ជាង​៥​ពាន់​ដុល្លារ ត្រូវបាន​ក្រុមហ៊ុន​ហង្ស​មាស ជា​អ្នករ៉ាប់រង​។ ចំណែក​បច្ច័យ​ទទួលបាន​ពី​សប្បុរសជន ដែល​ចូលរួម​បុណ្យសព តារាចម្រៀង សាន ស្រី​ឡៃ នោះ​គឺមាន​ចំនួន​ប្រាក់​ដុល្លារ ៣៤៣១ ដុល្លារ​អាមេរិក និង ប្រាក់រៀល​ចំនួន ៥.៨០០.០០០​រៀល ដែល​ប្រាក់ចំណូល​ជា​បច្ច័យ​នេះ ប្រគល់​ជូនទៅ​គ្រួសារ​សព​ទាំងអស់ ដើម្បី​ទុក​ដោះស្រាយ ក្នុង​ជីវភាព​គ្រួសារ​ត​ទៅមុខទៀត​៕​ ដោយ​-​គីម ស្រីរ័ត្ន​