ភ្នំពេញ ៖ រថយន្តបាឡែនមួយគ្រឿង បានបើកបួងចង្កូតជ្រុលទៅបុកចូលហាងលក់មីហឹលបណ្តាលឲ្យរងកាខូចខាតទ្វារកញ្ចក់មួយផ្ទាំង និងម៉ូតូ២គ្រឿងទៀត។ សំណាងល្អមិនគ្រោះថ្នាក់ដល់មនុស្ស។
ហេតុការណ៍គ្រោះថ្នាក់ចរាចរណ៍នេះដែរ បានកើតឡើងកាលពីវេលាម៉ោង ១០និង ៤០នាទីយប់ថ្ងៃព្រហស្បតិ៍ទី ១១ ខែកុម្ភៈឆ្នាំ ២០២១ ស្ថិតនៅតាមបណ្ដោយផ្លូវ ៥៩៨ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
យោងតាមប្រភពព័ត៌មានពីប្រជាពលរដ្ឋ នៅកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តមួយគ្រឿងបានចតចោលនៅខាងមុខហាង ខណៈភ្លាមនោះដែរ ស្រាប់តែមានសន្តិសុខ គាត់បានចូលទៅបើករថយន្តដើម្បីរកកន្លែងចត ស្រាប់តែបួងចង្កូតជ្រុលបុកចូលទៅក្នុងហាងលក់មីហឹលកម្រិត៧យ៉ាង រួចជ្រុលទៅបុកម៉ូតូ២គ្រឿងទៀត សំណាងល្អមិនមានបុគ្គលិកធ្វើការនៅក្នុងនោះ រងការខូចខាតតែទ្វារកញ្ចក់មួយចំនួន និងរថយន្ត។
ក្រោយពេលកើតហេតុសមត្ថកិច្ចមូលដ្ឋាន សហការជាមួយខាងជំនាញ ចុះទៅដល់ដោយខាងម្ចាស់រថយន្តបង្ក និងម្ចាស់ហាងស្គាល់គ្នា មិនពឹងលើសមត្ថកិច្ច ខាងរថយន្តបង្កសងជាសំណងក្នុងការជួសជុល បញ្ចប់រឿងនៅកន្លែងកើតហេតុ៕ រក្សាសិទ្ធិដោយ៖សាមេត
