Thursday, February 22, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

រថយន្ត​ហាយ​ឡែ​ន​ឌ័​រ​មួយគ្រឿង បើក​ជ្រុល​ទៅបុក​រថយន្ត​ជនជាតិ​ចិន ចំពាក់​កណ្តាល​ពេញទំហឹង បណ្តាល​ឲ្យ​ធ្លាក់ចូល​ដីឡូត៍​ក្រឡាប់​ផ្ងារជើង​

spot_img

​ភ្នំពេញ​៖ បុរស​ម្នាក់​បើករថយន្ត​ហាយ​ឡែ​ន​ឌ័​រ ក្នុង​ល្បឿន​លឿន​ដល់​ផ្លូវបំបែក​មិន​ប្រយ័ត្ន ក៏​ជ្រុល​ចង្កូត​ទៅបុក​រថយន្ត​ជនជាតិ​ចិន ចំពាក់​កណ្តាល​ពេញទំហឹង​បណ្តាល​ឲ្យ​ប៉ើង​ទៅមុខ​ក្រឡាប់​ផ្ងារជើង​។ សំណាងល្អ​មិន​គ្រោះថ្នាក់​ដល់​មនុស្ស​។​

​ហេតុការណ៍​គ្រោះថ្នាក់​ចរាចរណ៍​នេះដែរ បាន​កើតឡើង​កាលពី​វេលា​ម៉ោង ៣​និង ៣០​នាទី​យប់​ឈានចូល​ថ្ងៃ​សុក្រ​ទី ១២​ខែកុម្ភៈ​ឆ្នាំ ២០២១ ស្ថិតនៅតាម​បណ្ដោយ​ផ្លូវ ១៩៩ កែង​ផ្លូវ​៣៨៤ ក្នុង​សង្កាត់​ទួល​ស្វាយព្រៃ​ទី​១ ខណ្ឌ​បឹង​កេងកង រាជធានី​ភ្នំពេញ​។​

​យោងតាម​ប្រភពព័ត៌មាន​ពី​ប្រជាពលរដ្ឋ នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គាត់​បានឃើញ​រថយន្ត​ជន​ជាតិចិន​មួយគ្រឿង ពណ៌​ខ្មៅ​ពាក់​ផ្លាកលេខ​ភ្នំពេញ​1-H 0537​បើកបរ​ដោយ​បុរស​ម្នាក់​ធ្វើដំណើរ​តាម​បណ្តោយ​ផ្លូវ​បេតុង ក្នុងទិសដៅ​ពី​លិចទៅ​កើត​ក្នុង​ល្បឿន​លឿន ពេលមកដល់​ចំណុចកើតហេតុ​ផ្លូវបំបែក​ជា​៤ ស្រាប់​តែមាន​រថយន្ត​ម៉ាក​ហាយ​ឡែ​ន​ឌ័​រ​មួយគ្រឿង​ទៀត ពណ៌​ឈាមជ្រូក​ពាក់​ផ្លាកលេខ ភ្នំពេញ 2-AS 0218 បើកប​ដោយ​បុរស​ម្នាក់​ធ្វើដំណើរ តាម​បណ្តោយ​ផ្លូវ​បេតុង ក្នុងទិសដៅ​ពី​ត្បូង​មក​ជើង​ក្នុង​ល្បឿន​លឿន រេ​ចង្កូត​ជ្រុល​ទៅបុក​រថយន្ត​ជនជាតិ​ចិន ចំពាក់​កណ្តាល​ពេញទំហឹង​បណ្តាល​ឲ្យ​ប៉ើង​ទៅមុខ​ធ្លាក់​ចូលក្នុង​ដីឡូត៍​។​

​ក្រោយពេល​កើតហេតុ​សមត្ថកិច្ច​មូល​ដ្ឋា​ន សហការ​ជាមួយនឹង​ខាង​ចរាចរណ៍​ខណ្ឌ​សែន​សុខ ចុះមក​ដល់​រួច​ក៏​ទំនាក់ទំនង​ទៅខាង​ជំនាញ​ចរាចរណ៍​ក្រុង ឲ្យ​ចុះមក​វាស់វែង​និង​ធ្វើ​កំណត់ហេតុ យក​រថយន្តស្ទូច​មក​ស្ទូច​យក​រថយន្ត​ទាំងពីរ​គ្រឿង ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក រង់ចាំ​ដោះស្រាយ​នៅពេល​ក្រោយ​៕ រក្សា​សិទ្ធិ​ដោយ​៖ សា​មេ​ត​

spot_img
×