កំពង់ចាម ៖ ប្រតិបត្តិការចាប់វាយខ្នោះក្រុមជនសង្ស័យ ធ្វើឡើងដោយកម្លាំងជំនាញការិយាល័យប្រឆាំងគ្រឿងញៀនខេត្ត ជាមួយជំនាញអធិការរដ្ឋាននគរបាលស្រុកជើងព្រៃ ជំនាញ អធិការដ្ឋាន ស្រុកព្រៃឈរ និង កម្លាំងប៉ុស្តិ៍ នគរបាល រដ្ឋបាលសូសែន ដឹកនាំដោយលោកឧត្ដមសេនីយ៍ត្រី ជីវ សេងរស់ ស្នងការរងទទួលផែនការងារប្រឆាំងគ្រឿងញៀន ។
កម្លាំងចម្រុះបានបើកកិច្ចប្រតិបត្តិការចុះបង្ក្រាបករណី ជួញដូរនិងប្រើប្រាស់ដោយខុសច្បាប់នូវសារធាតុញៀន ចំនួន៥នាក់ កាលពីថ្ងៃទី០៩ ខែកុម្ភៈ ឆ្នាំ២០២១ វេលាម៉ោង២០និង៣០នាទី នៅចំណុចវត្តមេមាំង ស្ថិតក្នុងភូមិមេមាំង ឃុំល្វា ស្រុកព្រៃឈរ ខេត្តកំពង់ចាម ដោយបានការអនុញ្ញាតពីលោក តូច ឧត្តម ព្រះរាជអាជ្ញារង អមសាលាដំបូងខេត្តកំពង់ចាម ។ ដកហូតវត្ថុតាងរួមមាន ៖ ម្សៅក្រាមពណ៌ស សង្ស័យជាថ្នាំញៀន ចំនួន ០៣កញ្ចប់ ទូរស័ព្ទដៃចំនួន០២គ្រឿង ។
ជនសង្ស័យទី១-ឈ្មោះ ខ្វាន់ ភារាក់ ភេទប្រុស អាយុ ៣៣ឆ្នាំ សញ្ជាតិ ខ្មែរ មុខរបរមិនពិតប្រាកដ នៅភូមិថ្មី ឃុំ សំរោង ស្រុកព្រៃឈរ ខេត្ត កំពង់ចាម។ ទី២-ឈ្មោះ អែម ប៉េងអាន ភេទប្រុស អាយុ ៤០ឆ្នាំ សញ្ជាតិ ខ្មែរ មុខរបរកសិករ នៅភូមិត្រពាំងត្បាល់ ឃុំ សូរសែន្យ ស្រុកព្រៃឈរ ខេត្ត កំពង់ចាម។ ទី៣-ឈ្មោះ អោក បូរ៉ា ភេទប្រុស អាយុ ២៣ឆ្នាំ សញ្ជាតិ ខ្មែរ មុខរបរ កសិករ នៅភូមិសេនសុនជើង ឃុំ ស្រង៉ែ ស្រុកព្រៃឈរ ខេត្ត កំពង់ចាម។ ទី៤-ឈ្មោះ អ៊ុន ដារ៉ូ ភេទប្រុស អាយុ ២០ឆ្នាំ សញ្ជាតិ ខ្មែរ មុខរបរ កម្មករ នៅភូមិត្រពាំងត្បាល់ ឃុំ សូរសែន្យ ស្រុកព្រៃឈរ ខេត្ត កំពង់ចាម។និងទី ៥-ឈ្មោះ លេង សារ៉ាត់ ហៅពៅ ភេទប្រុស អាយុ ២៦ឆ្នាំ សញ្ជាតិ ខ្មែរ មុខរបរ កសិករ នៅភូមិអូរតាថុក ឃុំថ្មពូន ស្រុកព្រៃឈរ ខេត្តកំពង់ចាម ។
សមត្ថកិច្ចបានចាប់វត្ថុតាងរួមមាន ម្សៅ ក្រាមពណ៌ស សង្ស័យ ជាថ្នាំញៀនចំនួន ៤៨កញ្ចប់ ទូរស័ព្ទដៃចំនួន ០៣គ្រឿង ដាវចំនួន០១ដើម សម្ភារៈវេចខ្ចប់មួយចំនួនធំ។ ហើយបច្ចុប្បន្ន ជនសង្ស័យរួមនិងវត្ថុតាងជំនាញបាននាំមករិយាល័យប្រឆាំងគ្រឿងញៀន ដើម្បីចងក្រងសំណុំរឿងបញ្ជូនទៅសាលាដំបូងខេត្តកំពង់ចាម ដើម្បីចាត់ការតាមនីតិវិធីច្បាប់ស្តីពីការត្រួតពិនិត្យគ្រឿងញៀន៕ រក្សាសិទ្ធិដោយ៖CEN
