អភ័យឯកសិទ្ធិ​របស់​រា​ជនី​ចក្រភព​អង់គ្លេស ដែល​អ្នក​អាច​ពុំទាន់​ដឹង​

​រា​ជនី​អង់គ្លេស​មាន​អភ័យឯកសិទ្ធិ​មួយចំនួន​ស្ទើ​តែ​ពិបាក​ជឿ ប៉ុន្តែ​ទាំងអស់នោះ​សុទ្ធសឹង​ត្រូវបាន​គូសបញ្ជាក់​ក្នុង​រដ្ឋធម្មនុញ្ញ​

1.​គ្មាន​កំណត់​ល្បឿន​សម្រាប់​ការធ្វើដំណើរ​របស់​រាជ​នី​

ព្រះមហាក្សត្រ​យា​នី​អាចធ្វើ​ដំណើរ​ក្នុង​ល្បឿន​…​ដូច​ផ្លេកបន្ទោរ​បាន​ក្នុង​ទីក្រុង​ដោយ​ពុំ​បំពាន​ច្បាប់ ប៉ុន្តែ​មហាក្សត្រ​យា​នី Elizabeth II ពុំដែល​បំពាន​ច្បាប់​ដូច​រាស្ត្រ​ក្នុង​រឿងនេះ​ឡើយ ។​

2.​រា​ជនី​ពុំ​ចាំបាច់​មាន​ប័ណ្ណបើកបរ​

​រាល់​អ្នកបើកបរ​នា​ប្រទេស​អង់គ្លេស​ត្រូវមាន​ប័ណ្ណបើកបរ​។ ប៉ុន្តែ​ចំពោះ​មហាក្សត្រ​យា​នី គឺ​ពុំ​ចាំបាច់​មាន ហើយក៏​ពុំ​ចាំបាច់​ត្រូវ​រៀន​បើកបរ​តាម​ស្តង់ដារ​ណាមួយ​ទាំងអស់ ។​

មហាក្សត្រ​យា​នី​ធ្លាប់បាន​បើកបរ​រថយន្ត​កាកបាទ​ក្រហម​ក្នុង​សង្គ្រាមលោកលើកទី​២

​យ៉ាងណាក្តី​មហាក្សត្រ​យា​នី Elizabeth II ធ្លាប់ជា​អ្នកបើកបរ​រថយន្ត​ដ៏​ពូកែ​ម្នាក់​។ ពេល​អាយុ​១៨​ឆ្នាំ​ព្រះអង្គ​ធ្លាប់បាន​ចូលរួម​បើកបរ​រថយន្ត​សង្គ្រោះ​ឲ្យ​កងទ័ព​ក្នុងសម័យ​សង្គ្រាម ។ ព្រះអង្គ​បញ្ជា​សមាជិក​ភេទ​ស្រី​តែមួយគត់​របស់​រាជវង្ស​ដែល​ធ្លាប់​បម្រើការ​ក្នុង​កងទ័ព​នៅ​អំឡុង​សង្គ្រាមលោកលើកទី​២​។​

3.​អាចធ្វើ​ទេសចរណ៍​ទៅគ្រប់​ទីកន្លែង​ដោយ​ពុំ​ចាំបាច់​មាន​លិខិតឆ្លងដែន​

​សូម្បីតែ​ប្រធានាធិបតី​អាមេរិក​ក៏​ចាំបាច់​ត្រូវមាន​លិខិតឆ្លងដែន​នាពេល​ចេញទៅ​ប្រទេសក្រៅ ប៉ុន្តែ​ចំពោះ​មហាក្សត្រ​យា​នី​អង់គ្លេស​គឺ​ពុំ​ចាំបាច់​ឡើយ​។ មួយជីវិត​របស់​ព្រះអង្គ​ពុំ​ដែលមាន​លិខិតឆ្លងដែន​ទេ ប៉ុន្តែ​បាន​យាង​ចេញទៅ​បរទេស​ជារឿយៗ ។​

4.​មិនចាំបាច់​បង់ពន្ធ​លើ​ប្រាក់ចំណូល

​រាល់​ពលរដ្ឋ​លើ​ពិភពលោក​រួមទាំង​ប្រធានាធិបតី​ក៏​សុទ្ធសឹង​ត្រូវ​បង់ពន្ធ​លើ​ប្រាក់ចំណូល​ប៉ុន្តែ​តាម​រដ្ឋធម្មនុញ្ញ​របស់​អង់គ្លេស មហាក្សត្រ​យា​នី​ពុំ​តម្រូវ​ឲ្យ​ធ្វើ​រឿងនេះ​ទេ ។ ទោះយ៉ាងណា​មហាក្សត្រ​យា​នី Elizabeth II បាន​ស្ម័គ្រ​ព្រះទ័យ​បង់ពន្ធ​តាំងពី​ឆ្នាំ​១៩៩២​មក ។​

5.​មិនអាច​រង​ការប្តឹងប្តល់​

​លើ​វិស័យ​ច្បាប់​ពុំ​អាចមាន​នរណា​ប្តឹង​ព្រះមហាក្សត្រ​យា​នី​ទៅកាន់​តុលាការ​ឡើយ ព្រះអង្គ​ក៏មាន​សិទ្ធិ​ពុំ​ផ្តល់​ភស្តុតាង​អ្វី​ទាំងអស់​ទៅ​តុលាការ ហើយក៏​ពុំ​រង​ការចោទប្រកាន់​ផងដែរ ៕​