ភ្នំពេញ ៖ បុរសម្នាក់រួមដំណើរប្រុសស្រី៦នាក់ទៀត បានបើករថយន្តស៊េរីទំនើបមួយគ្រឿងក្នុងលឿនយ៉ាងលឿនមិនប្រយ័ត្នបានរេចង្កូតទៅបុករបាំងថ្មពុះចែកផ្លូវពេញទំហឹង បណ្ដាលឲ្យរថយន្តក្រឡាប់ផ្ងារជើងអូសទៅមុខជាច្រើនម៉ែត្រ ឆាបឆេះយ៉ាងសន្ធោសន្ធៅសំណាងល្អមិនមានអ្នករងរបួស។
ហេតុការណ៍គ្រោះថ្នាក់ចរាចរណ៍នេះដែរ បានកើតឡើងកាលពីវេលាម៉ោង១និង២០នាទីយប់រំលងអធ្រាត្រឈានចូលថ្ងៃអាទិត្យទី១៤ខែកម្ភៈឆ្នាំ២០២១ ស្ថិតនៅតាមបណ្តោយផ្លូវ R5 ក្នុងសង្កាត់ ស្រះចក ខណ្ឌដូនពេញ រាជធានីភ្នំពេញ។
បើយោងតាមប្រភពព័ត៌មានពីសន្តិសុខម្នាក់ នៅកន្លែងកើតហេតុបានប្រាប់ឲ្យដឹងថា មុនពេលកើតហេតុគាត់ឃើញរថយន្តស៊េរីទំនើបមួយគ្រឿង ម៉ាក ម៊ែសឺដេស បើកបរដោយបុរសម្នាក់រួមដំណើរសរុប៦នាក់ មានស្ត្រីម្នាក់ធ្វើដំណើរតាមបណ្តោយផ្លូវ R5 ក្នុងទិសដៅពីលិចទៅកើតក្នុងល្បឿនលឿនដូចហោះ ខណៈពេលមកដល់ចំណុចកើតហេតុខាងលើ ដោយស្ថានភាពផ្លូវកោងមិនប្រយ័ត្នក៏រេចង្កូតជ្រុលទៅបុករបាំងថ្មពុះចែកផ្លូវពេញទំហឹង បណ្ដាលឲ្យរថយន្តក្រឡាប់អូសទៅមុខជាច្រើនម៉ែត្រ រួចតៃកុងរថយន្តនិងអ្នករួមដំណើរបាននាំគ្នាស្រវេស្រវ៉ា ចេញពីក្នុងរថយន្តទាន់ពេលវេលា។ ចំណែកឯរថយន្តវិញ បានឆាបឆេះអស់ទាំងស្រុង។
ក្រោយហេតុការណ៍សមត្ថកិច្ចមូលដ្ឋាន សហការជាមួយនិងជំនាញចុះមកដល់បានទាក់ទង ទៅខាងរថយន្តពន្លត់អគ្គិភ័យមកអន្តរាគមន៍បាញ់រលត់ទៅវិញ ។ ប្រើប្រាស់រថយន្តពន្លត់អគ្គិភ័យអស់មួយគ្រឿង។ បន្ទាប់ពីកើតបេតុសមត្តកិច្ចជំនាញក្រុង ចុះមកដល់ធ្វើកំណត់ហេតុយករថយន្តស្ទូច មកស្ទូចរថយន្តបង្កខាងលើទៅរក្សាទុកនៅស្នងការាជធានីភ្នំពេញ៕ រក្សាសិទ្ធិដោយ៖សា មេត
