ភ្នំពេញ ៖ មេងស្ទាវ២នាក់បើកម៉ូតូ១គ្រឿងលឿន មិនប្រយ័ត្នបុករថយន្តស៊េរីទំនើបយ៉ាងពេញទំហឹងបណ្ដាលឲ្យបាក់កម៉ូតូ ទៅមុខលែងរួច ខណៈដែលរថយន្តស៊េរីទំនើបឆ្លងផ្លូវចូលផ្លូវ៧៦ជិតផុតទៅហើយ សំណាងល្អដែលមិនមានគ្រោះថ្នាក់ដល់ជីវិត។
ហេតុការណ៍នេះ បានកើតឡើងនៅវេលាម៉ោង៣និង៣០នាទីរសៀលថ្ងៃទី១៤ខែកុម្ភៈឆ្នាំ២០២១ ត្រង់ចំណុចផ្លូវព្រះមុន្នីវង្សកែងនឹងផ្លូវ៧៦ ស្ថិតក្នុងសង្កាត់ស្រះចក ខណ្ឌដូចពេញ រាជធានីភ្នំពេញ។
តាមប្រភពនៅកន្លែងកើតហេតុបានប្រាប់ភ្នាក់ងារCENឲ្យដឹងថា មុនពេលកើតហេតុ គេឃើញរថយន្តស៊េរីទំនើបម៉ាកឡង់គ្រីស័រពណ៌ខ្មៅ ពាក់ផ្លាកលេខភ្នំពេញ2BF-1887 ធ្វើដំណើរជាលក្ខណៈគ្រួសារ ទិសដៅពីជើងទៅត្បូងបត់ឆ្វេងចូលផ្លូវ៧៦ជិតផុត ស្រាប់តែឃើញម៉ូតូម៉ាកសង់ស៊េរីឆ្នាំ២០០៨ពណ៌ខ្មៅ ពាក់ផ្លាកលេខកណ្ដាល1B-5008 បើកបរដោយក្មេងស្ទាវ២នាក់ ក្នុងល្បឿនលឿន តាមបណ្ដោយផ្លូវព្រះមុន្នីវង្សបត់ចូលផ្លូវ៧៦ដូចគ្នា ខណៈដែលពេលជាន់ហ្វ្រាំងមិនទាន់បានបុកចំចន្លោះកងរថយន្តខាងមុខ យ៉ាងពេញទំហឹងបាក់កម៉ូតូដាច់បូមមុខទាំង២ និង២នាក់ដែលជិះម៉ូតូរងរបួសស្រាល ខូចខាតែម៉ូតូទាំងស្រុងមួយកំណាតមុខ និងរថយន្តកំពិតតិចតួច។
ក្រោយពេលកើតហេតុ សម្ថកិច្ចមូលដ្ឋានបានមកដល់ បានឲ្យភាគីទាំងពីរចរចាគ្នាមួយជំហាន តែដោយលោកពូម្ចាស់រថយន្តឃើញសភាពអ្នកបើកបរម៉ូតូគ្នាអត់ដែរ ក៏សុខចិត្តឲ្យយកម៉ូតូទៅជុសជលរៀងៗខ្លួនបញ្ចប់រឿង និងសូមឲ្យសមត្ថកិច្ចជួយអប់រំណែនាំឲ្យពួកគាត់ ចូលរួមគោរពច្បាប់ចរាចរណ៍ និងពាក់មួកការពារឲ្យបានត្រឹមត្រូវផង ៕ រក្សាសិទ្ធិដោយ៖សារឿន
