ភ្នំពេញៈ លោកស្រីវេជ្ជបណ្ឌិត ឱ វណ្ណឌីន អ្នកនាំពាក្យក្រសួងសុខាភិបាលបានឲ្យដឹងថា ចំនួនអ្នកដែលស្ម័គ្រចិត្តចាក់វ៉ាក់សាំងកូវីដ១៩ គិតចាប់ពីថ្ងៃទី១០ ដល់ថ្ងៃទី១៨ ខែកុម្ភៈ ឆ្នាំ២០២១ អ្នកមកចាក់វ៉ាក់សាំងមានចំនួនសរុប ៤៦៦៩នាក់ ក្នុងនោះស្ត្រី ១៧២២នាក់។
អ្នកនាំពាក្យក្រសួងសុខាភិបាលបានបញ្ជាក់ថា អ្នកដែលបានចាក់វ៉ាក់សាំងរួចមានចំនួន ៣៨០៣នាក់ ក្នុងនោះស្ត្រីមានចំនួន ១២៥៩នាក់។ អ្នកដែលគ្រូពេទ្យមិនអនុញ្ញាតឲ្យចាក់មានចំនួន ៨៦៦នាក់ ក្នុងនោះស្ត្រីមានចំនួន ៤៦៣នាក់។
យោងតាមរបាយការណ៍ក្រសួងការពារជាតិបានឲ្យដឹងថា គិតត្រឹមល្ងាចថ្ងៃទី១៧ ខែកុម្ភៈ ឆ្នាំ២០២១ ក្រសួងការពារជាតិបានចាក់វ៉ាក់សាំងការពារកូវីដ១៩ ជូនកម្លាំងប្រដាប់ អាវុធបានជាង ១ម៉ឺននាក់ហើយ៕ រក្សាសិទ្ធិដោយ: ចេស្តារ
