ក្រុមកម្មករដែលធ្វើការនៅតំបន់ចម្ការ នៅទីក្រុង Johor Bahru, Malaysia បានផ្គុំកម្លាំងគ្នា ដើម្បីចាប់ពស់១ក្បាល ប្រវែងដល់ទៅ ៦ម៉ែត្រ ទម្ងន់ជាង ៨០គីឡូក្រាម ទាំងរស់ពីអណ្តូង។
Mohd Noor Irfan Mohd Zainal អាយុ១៥ឆ្នាំ កំពុងធ្វើការជាមួយឪពុកខ្លួនស្រាប់ តែឮស្នូរចម្លែកពីក្នុងអណ្តូងមួយជិតនោះ។
Zainal ពោលថា ៖ “ដំបូងខ្ញុំគិតថា មានថ្មធ្លាក់ចុះអណ្តូងតែពេលចូលកៀក សម្លឹងមើលទើបឃើញពស់ថ្លាន់ដ៏ធំ១ក្បាល។
ពួកគេក៏ស្រែកហៅគ្នាមកជួយ។ មនុស្សប្រុស ៧នាក់ ទើបអាចទាញវាចេញពីអណ្តូងបាន។ តាមអ្នកនៅម្តុំនោះគឺទីនេះសម្បូរពស់ណាស់។
ថ្លាន់ត្រូវបានបញ្ជូនទៅសួនសត្វ Johor ដើម្បីពិនិត្យសុខភាពមុនពេលព្រលែងនៅក្នុងធម្មជាតិវិញ តាមច្បាប់ប្រទេស៕ ចន្ទ្រា
