ប្រាក់ចំណូលពន្ធរបស់កូរ៉េខាងត្បូងបានធ្លាក់ចុះពីរឆ្នាំជាប់គ្នាកាលពីឆ្នាំមុន ដោយសារតែការធ្លាក់ចុះនៃសេដ្ឋកិច្ចបណ្តាលមកពីការរីករាលដាលនៃវីរុសកូវីដ១៩។ នេះបើយោងតាមក្រសួងសេដ្ឋកិច្ចនិងហិរញ្ញវត្ថុកូរ៉េ។
ចំណូលពន្ធជាតិបានឈានដល់ ២៥៥,៦ ពាន់លានដុល្លារ នៅឆ្នាំ ២០២០ ដោយធ្លាក់ចុះ ៧,១ ពាន់លានដុល្លារអាមេរិក។ នេះបើយោងតាមក្រសួងសេដ្ឋកិច្ចនិងហិរញ្ញវត្ថុ។ ខ្លួនបានកត់សំគាល់ជាលើកដំបូងដែលប្រាក់ចំណូលពន្ធរបស់ប្រទេសបានធ្លាក់ចុះសម្រាប់ឆ្នាំទី ២ ជាប់ៗគ្នា។ នៅឆ្នាំ ២០១៩ ពន្ធលើប្រាក់ចំណូលជាតិបានធ្លាក់ចុះ ១១៦,១ ពាន់លានវ៉ុន (១០៣,៩ លានដុល្លារអាមេរិក) ។
ការធ្លាក់ចុះនៃប្រាក់ចំណូលពន្ធបានកើតឡើងដោយសារការរីករាលដាលនៃវីរុសកូវីដ១៩ដែលជះឥទ្ធិពលយ៉ាងខ្លាំងដល់សកម្មភាពអាជីវកម្ម។ រដ្ឋាភិបាលបានប្រមូលពន្ធសាជីវកម្មចំនួន ៥៥,៥ ពាន់ពាន់លានវ៉ុន (៤៩,៧ ពាន់លានដុល្លារអាមេរិក) ក្នុងឆ្នាំ ២០២០ ដែលធ្លាក់ចុះ ១៦,៧ ពាន់ពាន់លានវ៉ុន (១៤,៩ ពាន់លានដុល្លារអាមេរិក) ពីឆ្នាំមុន។
ការប្រមូលពន្ធពីប្រតិបត្តិការលំនៅដ្ឋាននិងមូលបត្របានកើនឡើង ៧,៦ ពាន់ពាន់លានវ៉ុន (៦,៨ ពាន់លានដុល្លារអាមេរិក) និង ៤,៤ ពាន់ពាន់លានវ៉ុន (៣,៩ ពាន់លានដុល្លារអាមេរិក) រៀងៗខ្លួនកាលពីឆ្នាំមុន។ ចំណូលដុលរបស់រដ្ឋាភិបាលរួមទាំងចំណូលពន្ធមានចំនួន ៤៦៥.៥ ពាន់ពាន់លានវ៉ុន (៤១៦,៧ ពាន់លានដុល្លារអាមេរិក) នៅឆ្នាំ ២០២០ កើនឡើង ៦៣.៥ ពាន់ពាន់លានវ៉ុន (៥៦,៨ ពាន់លានដុល្លារអាមេរិក) ធៀបនឹងឆ្នាំមុន។
ការចំណាយសរុបបានពង្រីក ៥៦,៦ ពាន់ពាន់លានវ៉ុន (៥០៦,៧ ពាន់លានដុល្លារអាមេរិក) ដល់ ៤៥៣,៨ ពាន់ពាន់លានវ៉ុន (៤០៦,៣ ពាន់លានដុល្លារអាមេរិក) កាលពីឆ្នាំមុន៕
ប្រភព៖ ស៊ីនហួ
រក្សាសិទ្ធិដោយ៖CEN
