ព្រះសីហនុ ៖ យោងតាមសេចក្តីជូនដំណឹងរបស់រដ្ឋបាលខេត្តព្រះសីហនុ នៅព្រឹកថ្ងៃនេះ ទី២៤ ខែកុម្ភៈ ឆ្នាំ២០២១ បានជម្រាបជូនសាធារណជនឲ្យដឹងថា រដ្ឋបាលខេត្តបានសម្រេចបិទទីតាំងទីតាំងសំខាន់ៗចំនួន ៥កន្លែង ជាបណ្តោះអាសន្ន ដោយសារទីតាំងនោះ មានស្ត្រីជាតិចិន២នាក់ ឆ្លងកូវីដ១៩ថ្មីៗនេះ ដែលធ្លាប់បានទៅលេងនៅក្លឹបកម្សាន្ត N8។ ទីតាំងទាំងនោះ រួមមានដូចខាងក្រោម៖
១. ទីតាំង Jin Bei Casino & Hotel
២. ទីតាំង Jin Bei Palace Hotel
៣. ទីតាំង Jin Bei Artisan Hotel
៤. ទីតាំង អគារស្នាក់នៅរួមរបស់ជិនប៉ី
៥. ទីតាំង Crowne Plaza Hotel (សណ្ឋាគារហ័ងហ្គ័នជាយី)
សូមបញ្ជាក់ថា នៅព្រឹកថ្ងៃទី២៤ ខែកុម្ភៈ ឆ្នាំ២០២១ នេះផងដែរ ក្រសួងសុខាភិបាល បានចេញសេចក្តីប្រកាសព័ត៌មានរកឃើញអ្នកឆ្លងជំងឺកូវីដ១៩ ចំនួន៤០នាក់ថ្មីទៀត ដែលក្នុងនោះមាន ៣៨ នាក់ ជាករណីឆ្លងសហគមន៍ក្នុង «ព្រឹត្តិការណ៍២០កុម្ភៈ» និង២នាក់ជាករណីនាំចូលពីក្រៅប្រទេស៕ រក្សាសិទ្ធិដោយ៖ លឹម ហុង
