Friday, May 31, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

វៀតណាម​បាន​ឈរឈ្មោះ​ជា​បេក្ខជន សម្រាប់​សមាជិក​នៃ​ក្រុមប្រឹក្សា​សិទ្ធិមនុស្ស​នៃ​អង្គការសហប្រជាជាតិ​សម្រាប់​អាណត្តិ ២០២៣-២០២៥

spot_img

​ភ្នំពេញ ៖ ស្ថានទូត​វៀតណាម​ប្រចាំ​កម្ពុជា Vietnam Embassy in Cambodia នៅ​ថ្ងៃទី​២៤ ខែកុម្ភៈ​ឆ្នាំ​២០២១​នេះ បានចេញ​ផ្សាយ​ព័ត៌មាន​ថា កាលពី​ថ្ងៃទី ២២ ខែកុម្ភៈ​ឆ្នាំ​២០២១​កន្លងទៅ នៅ​ទីស្នាក់ការ​នៃ​អង្គការសហប្រជាជាតិ នាទី​ក្រុង​ហ្សឺ​ណែវ ប្រទេស​ស្វី​ស សម័យប្រជុំ​សាមញ្ញ​លើក​ទី​៤៦ នៃ​ក្រុមប្រឹក្សា​សិទ្ធិមនុស្ស​នៃ​អង្គការសហប្រជាជាតិ ត្រូវបាន​ប្រព្រឹត្តទៅ​ដោយមាន​កិច្ចប្រជុំ​កំពូល​ធ្វើឡើង​តាម​ប្រព័ន្ធ​វីដេអូ ដែលមាន​ការអញ្ជើញ​ចូលរួម​ពី​គណៈប្រតិភូ​ជាន់ខ្ពស់​ចំនួន​ជាង​១១៥ ក្រុម ស្ថិតក្រោម​អធិបតីភាព លោក Nazhat Shameem Khan (​ឯកអគ្គរដ្ឋទូត​នៃ​ប្រទេស​ហ្វី​ជី​) ប្រធាន​ក្រុមប្រឹក្សា​សិទ្ធិមនុស្ស​។ គណៈប្រតិភូ​វៀតណាម​ដឹកនាំ​ដោយ ឯកឧត្តម Pham Binh Minh ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួងការបរទេស​។

​នាឱកាស​នៃ​កិច្ចប្រជុំ​កំពូល​នេះ ឯកឧត្តម​ឧបនាយករដ្ឋមន្ត្រី Pham Binh Minh ក៏បាន​ជំរាបជូន​ពត៌មាន​ពី​ការដែល​ប្រទេស​វៀតណាម​បាន​ឈរឈ្មោះ​ជា​បេក្ខជន សម្រាប់​សមាជិក​នៃ​ក្រុមប្រឹក្សា​សិទ្ធិមនុស្ស​នៃ​អង្គការសហប្រជាជាតិ​សម្រាប់​អាណត្តិ ២០២៣-២០២៥.
​ដោយ​ថ្លែង​មតិ​នៅក្នុង​កិច្ចប្រជុំ​នេះ ឯកឧត្តម Pham Binh Minh ឧបនាយករដ្ឋមន្ត្រី រដ្ឋមន្ត្រី​ក្រសួងការបរទេស​វៀតណាម បាន​ចែករំលែក​នូវ​ការលំបាក​លំបិន​ទាំងឡាយ​ដែល​បាន​បង្កឡើង​ដោយ​ជំងឺ Covid-19 បណ្តាល​ឲ្យ​មានការ​បាត់បង់​ជីវិត រាប់លាន​នាក់ ហើយ​បានធ្វើការ​ប៉ះពាល់​ជា​អវិជ្ជមាន​ដល់​ជីវភាព​រស់នៅ​របស់​ម​នុស្ស​រាប់ពាន់​លាន​នាក់ បង្ក​ឲ្យ​មាន សម្ពាធ​យ៉ាងខ្លាំង​ទៅលើ​ប្រព័ន្ធ​សុខាភិបាល និង​សុខុមាលភាព​សង្គម​នៃ​គ្រប់​ប្រទេស​ទាំងអស់ ព្រមទាំង​បាន​ជះឥទ្ធិពល​ទៅលើ​ការទទួល​នូវ​សិទ្ធិមនុស្ស​ផងដែរ​។

​ឯកឧត្តម ឧបនាយករដ្ឋមន្ត្រី ក៏បាន​ធ្វើការ​កត់សម្គាល់​ពី​ការប្រែប្រួល​ជា​វិជ្ជមាន និង​ការ​ងើបឡើង​វិញ នៅពេលដែល​ពិភពលោក​បាន​ឈានចូល​ក្នុង “​សភាព​ធម្មតា​តាមបែប​គន្លង​ថ្មី​” ហើយ​បាន​មើលឃើញថា ជំងឺ​រាតត្បាត​Covid-19 គឺជា​ឱកាស​សម្រាប់​ពិភពលោក​ទាំងមូល ដើម្បី​កសាង​នូវ​អនាគត​ដ៏​ល្អប្រសើរ​ជាងនេះទៅទៀត ដែល​ក្នុងនោះ​ចំណង​សាមគ្គីភាព និង​កិច្ចសហប្រតិបត្តិការ​ជា​អន្តរជាតិ​ពិតជា​កត្តា​គន្លឹះ​សម្រាប់​ជួយ​ជំនះ​លើ​រាល់​ឧបសគ្គ​ទាំងឡាយ​។​

​ទន្ទឹមនឹងនេះ ឯកឧត្តម​ឧបនាយករដ្ឋមន្ត្រី ក៏បាន​បញ្ជាក់​អះអាងថា ការធ្វើឱ្យ​សង្គម​មាន​សុវត្ថិភាព​ពី​ការ​រាតត្បាត​គឺជា​មធ្យោបាយ​ដ៏​ល្អ​បំផុត ដើម្បី​ធានាថា​រាល់​សមាជិក​គ្រប់គ្នា​ក្នុងសង្គម ទទួលបាន​ពេញលេញ​នូវ​សិទ្ធិមនុស្ស​។​

ឯកឧត្តម ឧបនាយករដ្ឋមន្ត្រី Pham Binh Minh ក៏បាន​លើកឡើង​ផងដែរ​នូវ​គោលនយោបាយ កិច្ចខិតខំ​ប្រឹងប្រែង និង​ស្នាដៃ​របស់​ប្រទេស​វៀតណាម​ក្នុងការ​ការពារ និង​លើកកម្ពស់​នូវ​សិទ្ធិមនុស្ស​ក្នុង​បរិបទ​នៃ​ជំងឺ​រាតត្បាត ដោយ​គ្រប់គ្រង​ជំងឺ​រាតត្បាត ថែរក្សា​សុខភាព​ប្រជាជន​ផង ហើយ​រក្សា​នូវ​កំណើនសេដ្ឋកិច្ច ធានា​សុខុមាលភាព​សង្គម​ផង​។

​ឯកឧត្តម ឧបនាយករដ្ឋមន្ត្រី ក៏បានផ្តល់​ព័ត៌មាន​នូវ​ការរួមចំណែក​ពី​ប្រទេស​វៀតណាម ដល់​កិច្ច​ខិ​ខំប្រឹងប្រែង​រួមគ្នា​នៃ ពិភពលោក​ក្នុងការ​ឆ្លើយតប​ទៅនឹង​ការរីក​រាលដាល​នៃ Covid-19 ដូចជា​ការផ្តល់​ម៉ាស សម្ភារៈ​បរិក្ខារ​ពេទ្យ​ជូន​ប្រទេស​ជាង ៥០ និង​ដៃគូ​អន្តរជាតិ​ជាដើម ហើយ​បាន​លើកសំណើរ និង​ទទួលបាន​ការយល់ព្រម​ពី​មហាសន្និបាត​អង្គការសហប្រជាជាតិ​ឲ្យ​អនុម័ត​ជា​ឯកច្ឆ័ន្ទ​ទៅលើ​សេចក្តីសម្រេច​ស្តីពី​ការជ្រើសរើស​យក​ថ្ងៃទី​២៧ ខែធ្នូ ជា​ទិវា​អន្តរជាតិ​ប្រយុទ្ធប្រឆាំង​ជំងឺ​រាតត្បាត សម្រាប់​លើកកម្ពស់​ការយល់ដឹង​នូវ​ការការពារ និង​ការឆ្លើយតប​ទៅនឹង​ជំងឺ​រាតត្បាត​នានា​៕ រក្សា​សិទ្ធិ​ដោយ​៖​បញ្ញា​ស័ក្តិ​

spot_img
×