ខេត្តរតនគិរី ៖ ក្រសួងសុខាភិបាលវ៉ាក់សាំងជិត៤០០០ដូស ចាប់ផ្តើមចាក់នៅ មន្ទីរពេទ្យបង្អែកស្រុកបរកែវ និងមន្ទីរពេទ្យបង្អែកខេត្តរតនគិរីនាព្រឹកថ្ងៃទី០១ ខែមីនា ឆ្នាំ២០២១នេះ វ៉ាក់សាំង ៣៦០០ដូស សំរាប់ចាក់ជូនមន្ត្រីសុខាភិបាល ៥២០នាក់និងមន្ត្រីប៉ូលីស ១៣០០នាក់ ចាប់ផ្តើមបើកយុទ្ធនាការនៅព្រឹកថ្ងៃទី០១ ខែមីនាឆ្នាំ២០២១ នេះ។
តាមសមត្ថកិច្ចនៃស្នងការដ្ឋានខេត្តបានលើកឡើងថាក្នុងនោះស្រុកចំនួន៣មានអណ្តូងមាស អូរយ៉ាដាវ និងបរកែវ អាចទៅចាក់នៅមន្ទីរពេទ្យបង្អែកស្រុកបរកែវនិងស្រុក៦ទៀតមកចាក់នៅមន្ទីរពេទ្យបង្អែកខេត្ត។
ឧត្តមសេនីយ៍ទោយិន ចំណាន ស្នងការនគរបាលខេត្តរតនគិរីបានអំពាវនាវដល់កងកម្លាំងទាំងអស់ឲ្យចូលរួមចាក់វ៉ាក់សាំងទាំងអស់គ្នា ហើយត្រូវរាយការណ៍ឲ្យបានឆាប់បំផុតប្រសិន ជាមានបុគ្គលណាម្នាក់មានជាប់ពាក់ព័ន្ធក្នុងករណីថ្ងៃ២០ខែកុម្ភៈឆ្នាំ២០២១ ដើម្បីទប់ស្កាត់ការឆ្លងចូលនូវមេរោគកូវីដ-១៩ មកកាន់សហគមន៍របស់យើង។
យោងតាមលោកបណ្ឌិត អ៊ុង រតនា ប្រធានមន្ទីរសុខាភិបាលខេត្តរតនគិរី បានប្រាប់សារព័ត៌មានថា ការចាក់វ៉ាក់សាំងនឹងមានរយៈពេល២១ថ្ងៃ ហើយក្នុងមួយថ្ងៃអនុញ្ញាតិឲ្យចូលចាក់បាន ១៥០នាក់ ហើយក្រោយពីចាក់វ៉ាក់សាំងរួចត្រូវតមការពិសារគ្រឿងសមុទ្រ និងផឹកគ្រឿងស្រវឹងរយៈពេលមួយសប្តាហ៍៕ រក្សាសិទ្ធិដោយ៖CEN
