ភ្នំពេញៈ លោក អ៊ូ ច័ន្ទរ័ត្ន បានយកពាក្យស្នើសុំបង្កើតគណបក្សកែទម្រង់កម្ពុជា មកដាក់នៅក្រសួងមហាផ្ទៃ នៅវេលាម៉ោងជាង ១១ព្រឹក ថ្ងៃទី១ ខែមីនា ឆ្នាំ២០២១ នេះ។
ក្រុមមន្ត្រីជាន់ខ្ពស់ នៃអតីតគណបក្សសង្គ្រោះជាតិ បា យកពាក្យស្នើសុំបង្កើតគណបក្សថ្មីទៅដាក់នៅក្រសួងមហាផ្ទៃ នៅព្រឹកថ្ងៃទី១ ខែមីនា ឆ្នាំ២០២១ នេះ។ ការបង្កើតគណបក្សថ្មីនេះ គឺដើម្បីចូលរួមការបោះឆ្នោតក្រុមប្រឹក្សាឃុំ សង្កាត់ និងបោះឆ្នោតជ្រើសតាំងតំណាងរាស្ត្រនាឆ្នាំ២០២៣ ខាងមុនេះ។
គណបក្សដែលបង្កើតថ្មី គឺគណបក្ស “កែទម្រង់កម្ពុជា”។ រូបសញ្ញាគណបក្ស“កែទម្រង់កម្ពុជា” គឺមានរូបព្រះអាទិត្យ និងក្បាលដំរីបួងផ្កាឈូកបីដើម។
គួរបញ្ជាក់ថា លោក អ៊ូ ច័ន្ទរ័ត្ន អតីតតំណាងរាស្ត្រ នៃអតីតគណបក្សសង្គ្រោះជាតិ ទទួលបាននីតិសម្បទាឡើងវិញកាលពីថ្ងៃទី១៩ ខែមីនា ឆ្នាំ២០១៩។ ក្រៅពីនេះ ក៏មានអតីតមន្ត្រីជាន់ខ្ពស់ចំនួន ១២រូបផ្សេងទៀតក៏ទទួលបាននីតិសម្បទាឡើងវិញដែរ។ ក្នុងចំណោមអ្នកទទួលបាននីតិសម្បទាឡើងវិញនោះ គឺមានលោកជីវ កត្តា បានបង្កើតគណបក្សខ្មែរស្រឡាញ់ជាតិ , លោករៀល ខេមរិន្ទ្រ បង្កើតគណបក្សខ្មែរអភិរក្សនិយម។ រក្សាសិទ្ធិដោយ : ចេស្តារ
