ស្ទឹងត្រែង ៖ លោកលៀង សេង ប្រធានមន្ទីរកសិកម្ម រុក្ខាប្រម៉ាញ់និងនេសាទខេត្តស្ទឹងត្រែង ត្រូវបានក្រសួងកសិកម្ម រុក្ខាប្រម៉ាញ់ និងនេសាទ ផ្លាស់ប្តូរ មុខតំណែងឲ្យទៅបម្រើការងារថ្មីនៅក្រសួងកសិកម្ម។
លោក ទុំ នីរ៉ូ នាយខណ្ឌរដ្ឋបាលជលផលស្ទឹងត្រែង បានឡើង ជាប្រធានមន្ទីរស្តីទី នៃមន្ទីរកសិកម្ម រុក្ខាប្រម៉ាញ់និងនេសាទ ខេត្តស្ទឹងត្រែង។
គួររំលឹកថា លោកលៀង សេង បានមកបម្រើការងារជាប្រធានមន្ទីរកសិកម្មរុក្ខាប្រមាញ់និងនេសាទខេត្តស្ទឹងត្រែង នៅខែមិថុនាឆ្នាំ ២០១៦ ពោលគឺអស់រយៈពេលជាង ៤ ឆ្នាំ មកហើយ។ ឥឡូវនេះ ក្រសួងកសិកម្មបានផ្លាស់ប្ដូរតួនាទី ឲ្យលោកលៀង សេង ទៅបម្រើការងារថ្មី នៅទីប្រឹក្សាក្រសួងកសិកម្ម។
នៅព្រឹកថ្ងៃទី៣ខែមីនាឆ្នាំ២០២១ ពិធីប្រកាសចូលកាន់តំណែងប្រធានមន្ទីរ ស្តីទីក្រោមអធិបតបតីភាពលោក នុត ច័ន្ទសុខា រដ្ឋលេខាធិការប្រចាំការ និងជាតំណាងដ៏ខ្ពង់ខ្ពស់ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដែលមានការអញ្ជើញចូលរួមពីរដ្ឋលេខាធិការ អនុរដ្ឋលេខាធិការ អភិបាលរងនៃគណៈអភិបាលខេត្តស្ទឹងត្រែង ទីប្រឹក្សាក្រសួង ប្រធាននាយកដ្ឋានបុគ្គលិក និងអភិវឌ្ឍន៍ធនធានមនុស្ស លោក លោកស្រី ជាមន្ត្រីរាជការមកពីអង្គភាពពាក់ព័ន្ធសរុប៧០រូប៕ រក្សាសិទ្ធិដោយ ៖ សំណាង
