ភ្នំពេញ ៖ យុវជន២នាក់ត្រូវបានកម្លាំងនគរបាលខណ្ឌជ្រោយចង្វារឃាត់ខ្លួន បន្ទាប់ពីជិះ ម៉ូតូមួយគ្រឿង វាយក្បាល ជនជាតិបរទេស ហើយ បង្ហោះតិចតុកបាន១ថ្ងៃ ។
ការឃាត់ខ្លួន យុវជនរូបនោះ ធ្វើឡើងកាលពីវេលាម៉ោងប្រមាណ១១និង៤០នាទី ថ្ងៃត្រង់ ទី០៨ ខែ មីនាឆ្នាំ ២០២១ នៅចំណុចដែល វាយមកលើ ជនជាតិបរទេស ស្ថិតនៅមាត់ទន្លេ ក្បែរសណ្ឋាគារសុខា ក្នុងភូមិទី១ សង្កាត់ជ្រោយចង្វារ ខណ្ឌជ្រោយចង្វារ។
យុវជនទំនើប រូបនោះ ត្រូវបាននគរបាលអោយដឹងថា ១.ឈ្នោះ លឹម ហុង ឡេង អាយុ ១៨ឆ្នាំ មុខមុរបរជាសិស្ស ជាអ្នកបើកបរម៉ូតូ មានលំនៅផ្ទះជួល ភូមិកៀនឃ្លាំង សង្កាត់ជ្រោយចង្វារ និង ២.ឈ្មោះចាន់ តារា អាយុ១៧ឆ្នាំមុខរបរជាសិស្ស ជាជនដៃដល់វាយក្បាល ស្នាក់នៅផ្ទះជួល នៅភូមិទី១ សង្កាត់ជ្រោយចង្វារ ខណ្ឌជ្រោយចង្វារ ។
តាមនគរបាលអោយដឹងថា ដោយមានបទបញ្ជាពីលោក ឃ្លាំង ហួត អភិបាលខណ្ឌ ជ្រោយចង្វារ សមត្ថកិច្ចនគរបាលក៍ឈានទៅឃាត់ខ្លួន យុវជនទាំងនោះ បញ្ជូន ទៅអធិការដ្ឋាន ខណ្ឌជ្រោយ ចង្វារ ដើម្បីមានវិធានការណ៍ ។
តាមព័ត៌មានអោយដឹងថា នៅល្ងាចថ្ងៃទី០៧ ខែ មីនា ជនសង្ស័យ ២នាក់ បានជិះម៉ូតូមីអូ មួយគ្រឿងពាក់ស្លាកលេខ ភ្នំពេញ ១HK២៤១៨ ពណ៌ខ្មៅលាយសមួយ គ្រឿង បានធ្វើសកម្មភាពវាយក្បាលជនជាតិបារាំងម្នាក់ម្នាក់ ដែលកំពុងជិះកង់ហាត់ប្រាណនៅតាមមាត់ទន្លេ។នៅក្នុងសកម្មភាពយុវជនរូបនោះ ក៍បានអោយមិត្តភក្កិ ថត រួចបង្ហោះ តិចតុក នៅក្នុងបណ្តាញសង្គម បង្កអោយមានការភ្ញាក់ផ្អើល ។
ទន្ទឹមនោះ ដោយមើលឃើញ ពីសកម្មភាព អសីលធម៌ របស់ ក្មេងទំនើងទំនើងរូបនោះ ទើបលោកឃ្លាំង ហួត អភិបាលខណ្ឌជ្រោយចង្វារ បញ្ជារអោយកម្លាំងកងរាជអាវុធហត្ថ និងកម្លាំងនគរបាលខណ្ឌ ធ្វើការស្រាយជ្រាវហើយ ឈានទៅឃាត់ខ្លួន ក្រុមក្មេងទំនើងនោះបានទាំង២នាក់នោះ ខណៈពេលដែលកំពុងតែអង្គុយលេង។ បន្ទាប់ពីឃាត់ម្ចាស់ម៉ូតូឈ្មោះសុខា ពន្លឺពេជ្រអាយុ១៦ឆ្នាំ ជាសិស្ស ក៏បានជិះម៉ូតូទៅសារភាពផងដែរ ។
តាមម្ចាស់ម៉ូតូអោយដឹងថា ម៉ូតូដែលជិះធ្វើសកម្មភាពនោះជាម៉ូតូរបស់ខ្លួន ដែលត្រូវបានយុវជន២នាក់ខ្ចីជិះ ទៅទិញសាច់ក្លែម បន្ទាប់ពីផឹកស្រវឹងរួចក៏ជិះទៅធ្វើសកម្មភាពវាយក្បាលជនជាតិបរទេសបង្ហោះតាមតិចតុកតែម្តង ៕ រក្សាសិទ្ធិដោយ៖សារឿន
