ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល មានកិត្តិយសសូមឆ្លើយតបបណ្តាញសារព័ត៌មានមួយ ដែលបានផ្សាយនៅថ្ងៃទី០៩ ខែមីនា ឆ្នាំ២០២១ មានខ្លឹមសារចំណងជើងថា ៖ ជនជាតិចិន០៩នាក់ សង្ស័យផ្ទុកកូវីដ-១៩ នៅជ្រៃធំប្រុងរត់គេចមកទីក្រុងភ្នំពេញតែត្រូវសមត្ថកិច្ចឃាត់ខ្លួនទាន់។
ស្នងការដ្ឋាននគរបាលខេត្តកណ្តាល សូមបដិសេដទាំងស្រុងចំពោះសារព័ត៌មានមួយ ដែលបានចុះផ្សាយខ្លឹមសារខាងលើ គឺជាព័ត៌មានក្លែងក្លាយ ព័ត៌មានមិនពិត ជាព័ត៌មានបែបបំពុលសង្គមតែប៉ុណ្ណោះ។
ជាក់ស្តែងចំនួនអ្នកដែលកំពុងធ្វើចចិន០៩នាក់ សង្ស័យផ្ទុកកូវីដ-១៩ នៅជ្រៃធំប្រុងរត់គេចមកទីក្រុងភ្នំពេញតែត្រូវសមត្ថកិច្ចឃាត់ខ្លួនទាន់។ ចត្តាឡីស័កទាំងជនជាតិខ្មែរយើង និងបរទេស គឺនៅគ្រប់ចំនួនដដែល ពុំមានបាត់វត្តមាននរណាម្នាក់ទេ។
ក្រោមការដឹកនាំផ្ទាល់ បញ្ជាផ្ទាល់ និងការយកចិត្តទុកដាក់ខ្ពស់ប្រកបដោយការទទួលខុសរបស់លោកឧត្ដមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល កម្លាំងក្រោមឱវាទរបស់ស្នងការដ្ឋានបានកំពុងយកចិត្តទុកដាក់បម្រើ ការពារ និងតាមដានយ៉ាងយកចិត្តទុកដាក់បំផុតទាំងអ្នកកំពុងធ្វើចត្តាឡីស័ក ទាំងអ្នកដែលមានមុខសញ្ញាពាក់ព័ន្ធជំងឺកូវីដ-១៩នេះ។
សូមបញ្ជាក់ជូនថា ចំពោះជនជាតិចិន០៩នាក់ ដែលខេត្តតាកែវចាប់បាននេះ មិនមែនរត់ចេញពីមណ្ឌលចត្តាឡីស័ក នៅជ្រៃធំនោះទេ។ ចំណែកសមត្ថកិច្ចនៃស្នងការដ្ឋាននគរបាលខេត្តកណ្តាល ក៏ចាប់បានជនជាតិចិនចំនួន០៣នាក់ដែរ គឺជាក្រុមតែមួយ ប៉ុន្តែមិនទាន់ដឹងរត់ចេញពីប្រភពណាឱ្យច្បាស់នៅឡើយ ជំនាញកំពុងបន្តនីតិវិធី។
អាស្រ័យហេតុនេះសូមបណ្តាញសារព័ត៌មាន និងសាធារណជន ដែលប្រើប្រាស់បណ្តាញទំនាក់ទំនងសង្គមមេត្តាជ្រាប និងកុំមានការភាន់ច្រឡំ។
រដ្ឋបាល ស្រុកកោះធំ ប្រកាសជូនដំណឹងដល់សាធារណៈ អោយដឹងពីមណ្ឌលចត្តាឡីសក័ មានទីតាំងចំនួន ៣កន្លែង សំរាប់ធ្វើចត្តាឡីសក័ អ្នកពាក់ពន្ធ័ព្រឹត្តិការណ៍សហគមន៍ ២០កុម្ភះ។
សេចក្តីប្រកាសព័ត៌មាន ខេត្តកណ្តាល រដ្ឋបាលស្រុកកោះធំ សូមជម្រាបជូនដំណឹងដល់សាធារណៈជនទាំងអស់ឲ្យបានជ្រាបថា៖ រដ្ឋបាលស្រុកកោះធំ មានមណ្ឌលចត្តាឡីស័ក ចំនួន០៣កន្លែង ដែលមានទីតាំងដូចខាងក្រោមៈ
១. មណ្ឌលចត្តាឡីស័ក មានទីតាំងស្ថិតនៅក្នុងភូមិព្រែកស្តី ឃុំព្រែកស្តី ស្រុកកោះធំ ខេត្តកណ្តាល មានអ្នកកំពុងធ្វើចត្តាឡីស័កសរុបចំនួន ៦នាក់ ស្រី ១នាក់។
២. មណ្ឌលចត្តាឡីស័ក នៅវិទ្យាល័យ ហ៊ុន សែន កោះធំ ស្ថិតក្នុងភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល មានអ្នកកំពុងធ្វើចត្តាឡីស័ក សរុបចំនួន ៦នាក់ ស្រី ៥នាក់ ។
៣. មណ្ឌលចត្តាឡីស័ក ស្ថិតនៅភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល មានអ្នក កំពុងធ្វើចត្តាឡីស័ក សរុបចំនួន ២,១២០នាក់ ស្រី ៧១០នាក់។
ចិន៩នាក់ រត់ចេញពីស្រុកកោះធំ ជិះតាមរថយន្តឈ្នួលទៅខេត្តតាកែវ សមត្ថកិច្ចតាមចាប់បាន៧នាក់ ២នាក់ទៀតមិនទាន់រកឃើញ
ជនជាតិចិន ចំនួន៩នាក់ បានរត់ចេញពីស្រុកកោះធំ ជិះតាមរថយន្តឈ្នួលទៅខេត្តតាកែវ សមត្ថកិច្ចតាមចាប់បាន៧នាក់ ២នាក់ទៀតមិនទាន់រកឃើញ។
លោកស្នងការនគរបាលខេត្តតាកែវ និង ក្រសួងសុខាភិបាល ក្នុងការចូលរួមទប់ស្កាត់ការរីករាលដាលជំងឺកូវីដ-១៩ លោកវីរសេនីយ៍ឯក ឡេង ប៊ុន ឡុង អធិការនគរបាលស្រុកព្រៃកប្បាសបានដឹកនាំកម្លាំងចុះចាប់និងឃាត់ខ្លួនជនជាតិចិនបានចំនួន០៧នាក់ និងរត់រួចខ្លួនពីរនាក់ចូលក្នុងទឹកដីស្រុកកោះធំវិញ។ ករណីនេះបានកើតឡើងនៅចំនុច ភូមិជំនិក ឃុំកំពង់រាប ស្រុកព្រៃកប្បាស ខេត្តតាកែវ នាព្រឹកថ្ងៃទី០៩ ខែ មិនា ឆ្នាំ២០២១។
បច្ចុប្បន្នជនជាតិចិនចំនួន០៧នាក់ ត្រូវបានកម្លាំងអធិការដ្ឋាននគរបាលស្រុកបញ្ជូនទៅធ្វើចត្តាឡីស័ក នៅសាលាគោរុកោសល្យខេត្តតាកែវ៕ដោយ៖បញ្ញាស័ក្តិ
