ភ្នំពេញ ៖ ភាគហ៊ុនធនាគារអេស៊ីលីដា ABC បានថយចុះ១០០រៀល ក្នុងមួយហ៊ុន មកនៅត្រឹម១៦.៧០០រៀលប៉ុណ្ណោះ ត្រឹមពេលផ្សារបិទថ្ងៃអង្គារ៍នេះ។ ស្រដៀងគ្នានេះផងដែរ ផេសថិក (PEPC) ក៏បានថយចុះមកត្រឹម២.៩០០រៀល ។
ផ្ទុយទៅវិញ ភាគហ៊ុនហ្ក្រេនធ្វីន (GTI) ភាគហ៊ុនកំពង់ផែស្វយ័តក្រុងភ្នំពេញ (PPAP) និងភាគហ៊ុនតំបន់សេដ្ឋកិច្ចពិសេសភ្នំពេញ(PPSP) មានកំណើនដល់៣.៤០០រៀល ១២.២៤០រៀល និង១.៦១០រៀល រៀងគ្នា។
រីឯ រដ្ឋាករទឹកស្វយ័តក្រុងភ្នំពេញ (PWSA) និងកំពង់ផែស្វយ័តក្រុងព្រះសីហនុ (PAS) បានរក្សាថ្លៃថេរដដែលដចថ្លៃបិទកាលពីថ្ងៃសុក្រសប្តាហ៍មុន។ សន្ទស្សន៍ផ្សារមូលបត្រកម្ពុជា បានថយចុះដល់ទៅ ០,៤៥% មកត្រឹម ៦៣៣,០៨ ពិន្ទុប៉ុណ្ណោះ។ ទំហំជួញដូរភាគហ៊ុនសរុបក្នុងថ្ងៃនេះមានចំនួន ២០៦,៩៣ លានរៀល៕
រក្សាសិទ្ធិដោយ៖CEN
