គិតមកទល់ពេលនេះ ក្រុមការងារ និងក៏ដូចតារាចម្រៀងប្រចាំស្ថានីយ៍ទូរទស្សន៍ហង្សមាស ក្នុងនោះដូចជាតារាចម្រៀង លោក ណុប បាយ៉ារិទ្ធ អ្នកនាង សុគន្ធ នីសា និងពិធីការិនីអ្នកនាង កែវ ចាន់នីមល ត្រូវបានវិជ្ជមានកូវីដ-១៩ រួចហើយៗ ខណៈអ្នកដទៃទៀត ដូចជាអ្នកនាង ឱក សុគន្ធកញ្ញា នៅពុំទាន់ដឹងលទ្ធផលនៅឡើយទេ ដោយអ្នកទាំងពីរកំពុងស្ថិតក្នុងការតាមដានអាការៈជំងឺនេះ។
ដោយឡែក នៅមុននេះបន្តិច ថ្ងៃទី១០ ខែមីនា ឆ្នាំ២០២១ តារាចម្រៀងផលិតកម្មរស្មីហង្សមាស កញ្ញា វី ឌីណែត ស្រាប់តែបានប្រកាសនៅក្នុងបណ្តាញសង្គមហ្វេសប៊ុកថា ខ្លួនក៏មានវិជ្ជមានកូវីដ-១៩ ផងដែរ បន្ទាប់ពីធ្វើតេស្តរួចរាល់ ពីសំណាក់ក្រុមគ្រូពេទ្យ។
ក្នុងនោះ តាមរយៈគណនីហ្វេសប៊ុករបស់ខ្លួន កញ្ញា វី ឌីណែត បានប្រាប់ទៅកាន់បងប្អូនមហាជនឲ្យបានដឹងថា៖ «មុននេះនាងខ្ញុំបានទទួលលិទ្ធផលហើយ គឺនាងខ្ញុំបានវិជ្ជមានកូវីត19 ហើយ ចឹងនាងខ្ញុំសូមសំណូមពរដល់បងប្អូនទាំងឡាយណាដែលបានប៉ះប៉ាល់នាងខ្ញុំសូមមេត្តាទៅធ្វើតេស្តរកមេរោគកូវីតទាំងអស់គ្នា ក៏សូមអធ្យាស្រ័យផងបងប្អូន»៕ រក្សាសិទ្ធិដោយ៖ លឹម ហុង
