ខេត្តស្វាយរៀង ៖ សេចក្តីរាយការណ៍ ពីខេត្តស្វាយរៀងនៅព្រឹកនៅថ្ងៃទី១០ មីនា ឆ្នាំ២០២១ នេះ ថា កាលពីម្សិលមិញវេលាម៉ោង៤និង៥៥នាទីរសៀលនេះ មានករណីគ្រោះថ្នាក់ចរាចរណ៍ដោយសាររថយន្តដឹកកម្មករក្រឡាប់ផ្ងារជើងឡើងលើ បណ្តាយឲ្យកម្មករកម្មការិនីរងរបួសធ្ងន់ស្រាលចំនួន ៥០ នាក់ ។
ករណីគ្រោះថ្នាក់ចរាចរណ៍នេះ កើតឡើងនៅចំណុចភូមិថ្នាញ សង្កាត់បាទី ក្រុងបាវិត ខេត្តស្វាយរៀង។ បើតាមសមត្ថកិច្ចបានឲ្យដឹងថា មុនពេលកើតហេតុ គេឃើញរថយន្តដឹកកម្មករកម្មការិនី១មួយគ្រឿង ម៉ាកហ៊ីយិនដាយពណ៌ខៀវពាក់ផ្លាកលេខសៀមរាម 3A.0557បើកបរពីទិស ខាងជើងទៅត្បូង ដោយដឹកកម្មករកម្មការិនី ។
អាជ្ញាធរមូលដ្ឋានដែលបានចុះទៅដល់ កន្លែងកើតហេតុបានបញ្ជាក់ប្រាប់សារព័ត៌ុមានថា អ្នកបើកបររថយន្តឈ្មោះជា ផារី ភេទប្រុសអយុ ២៩ ឆ្នាំ មានទីលំនៅភូមិទួលស្តី ឃុំទួលស្តី ស្រុកចន្ទ្រា ខេត្តស្វាយរៀង មុខរបរបើកបររថយន្តដឹកកម្មករកម្មការិនីរោងចក្រ ចំនួន៥០នាក់ស្រីចំនួន៤០នាក់ ចេញពីធ្វើការហើយបានក្រឡាប់ធ្លាក់ចុះស្រែ បណ្តាលឲ្យកម្មកររងរបួសធ្ងន់ចំនួន៥នាក់ស្រី និងរបួសស្រាល៤៥នាក់។
យោងតាមលោកលឹម សៀងហេង អភិបាលក្រុង បាវិត ក៏បានដឹកនាំមន្ត្រីក្រោមឱវាទមកសួរសុខទុក្ខជនរងគ្រោះផងដែរ នៅមន្ទីរពេទ្យបង្អែជីភូ។ លោកបានលើក ឡើងក្រោយពីកើតហេតុ រថយន្តនិងអ្នកបើកបរត្រូវបានបញ្ជូនទៅអធិការក្រុង ដើម្បីរង់ចាំការដោះស្រាយតាមនីតិវិធីច្បាប់ ។ សមត្ថកិច្ចសន្និដ្ឋានថា មូលហេតុដាច់ម៉ែត្រចង្កូតទើប រថយន្តនេះក្រឡាប់តែម្តង៕ រក្សាសិទ្ធិដោយ៖CEN
