បាត់ដំបង ៖ មន្ទីរសុខាភិបាលខេត្តបាត់ដំបងនៅថ្ងៃទី១០ ខែមីនា ឆ្នាំ២០២១ បានចេញព័ត៌មានស្វែងរកអ្នកប៉ះពាល់។ ក្រុមឆ្លើយតបបន្ទាន់មន្ទីរសុខាភិបាលនៃរដ្ឋបាលខេត្តបាត់ដំបង សូមប្រកាសស្វែងរកបុគ្គល ២រូប ដែលបានប៉ះពាល់ជាមួយករណីសង្ស័យវិជ្ជមានកូវីដ-១៩ ដោយអង្គុយជាប់គ្នាបីនាក់ ក្នុងអំឡុងពេលធ្វើដំណើរពី ភ្នំពេញមកបាត់ដំបង តាមរថយន្តឈ្នួលម៉ាក់ស៊ីណា ពាក់ស្លាក់លេខ៖ ភ្នំពេញ 2AZ-1235 ចេញដំណើរ ប្រហែល ម៉ោង ១២ថ្ងៃត្រង់ មកដល់បាត់ដំបងម៉ោងប្រហែល ៧:១០យប់ មានអ្នករួមដំណើរ ០៦នាក់។ តាមផ្លូវ ធ្វើដំណើរមានឈប់ហូបអាហារនៅហាងបាយមួយកន្លែង (មានជនបរទេសចូលហូប) នៅខាងស្តាំដៃ ជាហ៍ ស្ថានីយ៍លក់សាំងចម្ងាយប្រមាណ ៥០០ម៉ែត ជិតផ្សាររមាស ស្រុកទឹកផុស ខេត្តកំពង់ឆ្នាំង។
អ្នករួមដំណើរទាំង ៦នាក់ (ប្រពន្ធតែកុងអង្គុយកៅអីខាងមុខ ស្ត្រី ៣នាក់អង្គុយកៅខាងក្រោយជាប់តែកុង និងបុរស ២នាក់អង្គុយកៅអីខាងក្រោយបង្អស់) អ្នកទី១ ភេទប្រុស បានចុះនៅមុខប៉េអឹមស្រុកមោងឬស្សី អ្នកទី២ ភេទប្រុស បានចុះនៅភ្នំធិបតី អ្នកទី៣ ភេទស្រី បានចុះនៅមុខរង្វង់មូលព្រាបស (ករណីស្ត្រីសង្ស័យ វិជ្ជមាន) អ្នកទី៤ ភេទស្រី បានចុះនៅរង្វង់មូល លោកតាដំបងក្រញូង (ជនជាតិវៀតណាម បាន ) អ្នកទី៥ ភេទស្រី ចុះនៅម្តុំវត្តពោធិវង្ស អ្នកទី៦ ជាប្រពន្ធតែកុងឡាន បាន មកដល់ផ្ទះនៅ ភូមិ អន្លង់វិល ឃុំអន្លង់វិល ស្រុក សង្កែ ខេត្តបាត់ដំបង។
មន្ទីរសុខាភិបាល សូមប្រកាសស្វែងរកបុគ្គលអង្គុយជាប់ស្ត្រីជាករណីសង្ស័យកូវីដ-១៩ ជាអ្នកទី៤ ភេទស្រី បានចុះ នៅរង្វង់មូល លោកតាដំបងក្រញូង (ជនជាតិវៀតណាម ដើម្បីយកសំណាក និងស្វែងរកអ្នកប៉ះពាល់បន្ថែមទៀត។ ) និងជាអ្នកទី៥ ភេទស្រី បានចុះនៅម្តុំវត្តពោធិវង្ស សូមបញ្ជាក់ថា៖ អ្នកប៉ះពាល់ក្រៅពីនេះ យើងខ្ញុំបានស្វែងរកឃើញអស់ហើយ ព្រមទាំងបានយកសំណាក និង ត្រូវ បានដាក់ឱ្យធ្វើចត្តាឡីសំកយ៉ាងត្រឹមត្រូវ ហើយសំណាកលើកទី១ របស់តៃកុងឡាន និងអ្នករត់ម៉ូតូឌុប
ព្រមទាំងបុរសអង្គុយខាងក្រោយទាំង ២នាក់ ក៏ដូចជាប្រពន្ធតែកុឡាន គឺអវិជ្ជមាន (Negative)។ អាស្រ័យហេតុដូចបានជម្រាបជូនខាងលើ សូមសាមីខ្លួន ឬបងប្អូន ញាតិជិតខាងជួយបង្ហាញខ្លួន និងសូម អាជ្ញាធរមូលដ្ឋាន កម្លាំងសមត្ថកិច្ចពាក់ព័ន្ធជួយអន្តរាគមន៍ដោយស្មារតីបម្រើជាតិ មាតុភូមិ និងប្រជាជន៕រក្សាសិទ្ធិដោយ៖បញ្ញាស័ក្តិ
