ភ្នំពេញ ៖ ជាមួយនឹងកំណើន១០០រៀល ក្នុងមួយហ៊ុននៅថ្ងៃពុធម្សិលមិញនេះ ភាគហ៊ុនPEPCបានកើនមកដល់៣.០០០រៀលវិញ បន្ទាប់ពីត្រូវបានជួញដូរនៅថ្លៃក្រោមនេះរយៈពេលជាង១ខែមកនេះ។
បន្ថែមពីលើPEPC ភាគហ៊ុនបី ដែលរួមមានហ្ក្រេនធ្វីន (GTI),កំពង់ផែស្វយ័តក្រុងភ្នំពេញ (PPAP) និងធនាគារអេស៊ីលីដា (ABC) មានការកើនឡើងដល់ ៣.៤៣០រៀល ១២.២៦០រៀល និង១៦.៧៦០រៀល រៀងគ្នា ដោយមានចន្លោះកំណើនពី ៣០រៀល ទៅ ៦០រៀល ផងដែរ។
ភាគហ៊ុនតែមួយប៉ុណ្ណោះមានការថយចុះ នោះគឺភាគហ៊ុនតំបន់សេដ្ឋកិច្ចពិសេសភ្នំពេញ (PPSP) ដែលបានបិទនៅថ្លៃ ១.៦០០រៀល ជាមួយនឹងការថយចុះ ១០រៀល។ ភាគហ៊ុនដែលនៅសល់ពីរទៀត រដ្ឋាករទឹកស្វយ័តក្រុងភ្នំពេញ (PWSA) និងកំពង់ផែស្វយ័តក្រុងព្រះសីហនុ (PAS) បានរក្សាថ្លៃថេរដដែល។ បន្ទាប់ពីមានការធ្លាក់ចុះកាលពីថ្ងៃអង្គារ៍ សន្ទស្សន៍ ផ្សារមូលបត្រកម្ពុជា (ផ.ម.ក.) បានងើបឡើងវិញ ០,៣៦ ភាគរយ ពោលគឺកើនមកដល់ ៦៣៥,៣៤ ពិន្ទុវិញ នៅពេលផ្សារបិទថ្ងៃពុធម្សិលញ។ ថ្លៃជួញដូរភាគហ៊ុនសរុបមានចំនួន ១៤៥.៦៩ លានរៀល៕
រក្សាសិទ្ធិដោយ៖CEN
