ភ្នំពេញ ៖ បន្ទាប់ពីមានការងើបឡើងវិញកាលពីពុធរួចមក សន្ទស្សន៍ផ្សារមូលបត្រកម្ពុជា ក្នុងថ្ងៃព្រហស្បតិ៍ម្សិលមិញនេះបានធ្លាក់ចុះទៅវិញជាថ្មីម្តងទៀត ចំនួន ០,៤៥% មកបិទត្រឹម ៦៣២,៤៥ ពិន្ទុ។
ភាគហ៊ុនបួន គឺហ្ក្រេនធ្វីន (GTI) តំបន់សេដ្ឋកិច្ចពិសេសភ្នំពេញ (PPSP) កំពង់ផែស្វយ័តក្រុងព្រះសីហនុ (PAS) និងធនាគារអេស៊ីលីដា (ABC) បានធ្លាក់ចុះមកត្រឹម ៣.៤០០រៀល ១.៥៩០រៀល ១២.៧០០រៀល និង ១៦.៦៨០រៀល នៅពេលផ្សារបិទថ្ងៃព្រហស្បតិ៍នេះ ដោយមានចន្លោះនៃការថយចុះពី ១០រៀល ទៅ ១៨០រៀល។
ទន្ទឹមនឹងនេះ រដ្ឋាករទឹកស្វយ័តក្រុងភ្នំពេញ (PWSA) និងកំពង់ផែស្វយ័តក្រុងភ្នំពេញ (PPAP) មានកំណើន ៦០រៀល និង១៤០រៀល មកដល់ ៦.២៨០រៀល និង ១២.៤០០រៀល។ ផេសថិក (PEPC) បានរក្សាថ្លៃថេរដដែលត្រឹម ៣.០០០ រៀល។ទំហំជួញដូរភាគហ៊ុនសរុបមានចំនួន ១២១,១៥ លានរៀល៕
រក្សាសិទ្ធិដោយ៖CEN
