ឆ្នាំជូត
-ម៉ោងនៃលាភសំណាងគឺម៉ោង ៥ព្រឹក ដល់ម៉ោង៤ល្ងាច។
-ពណ៌នៃលាភសំណាងគឺពណ៌ទឹកក្រូច និងឈាមជ្រូក។
-លេខនៃលាភសំណាងគឺលេខ ២៧និងលេខ ៤៩។
-សូមខមិនលេខ ៩៩៩ យកលាភសម្បត្តិអភិជន នឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំជូតពង្សទេវតាប្រុស ធាតុទឹក រាសីល្អជាមធ្យម។ ដំណើរជីវិតមិនគាប់ប្រសើរទេ ចំពោះការងារវិញអាចត្រូវបានគេបន្ទោសនៅក្នុងប្រការណាមួយផង។ បើជាអ្នកប្រកបមុខរបររកស៊ីជួញដូរវិញ លាភតូចធំមិនសូវសម្បូរទេព្រោះបើមិនបោលហួសក៏ត្រូវអ្នកដទៃដណ្តើមយកអស់មុនដែរ។ ចំពោះបញ្ហាគូស្នេហ៍កម្លោះក្រមុំ ពោះម៉ាយ មេម៉ាយក្តីកើតមានភាពប្រទាំងប្រទើសប្រឆាំងគ្នាច្រើន៕
ឆ្នាំឆ្លូវ
-ម៉ោងនៃលាភសំណាងគឺម៉ោង ៥ព្រឹកដល់ម៉ោង ៦ល្ងាច។
-ពណ៌នៃលាភសំណាងគឺពណ៌ស និងក្រហម។
-លេខនៃលាភសំណាងគឺលេខ ១ និងលេខ ៤៩ ។
-សូមខមិន១៦៨ យកលាភសម្បត្តិអភិជននិងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរមិនខ្វះចាយឡើយ។
ចំពោះអស់លោកអ្នកដែលកើតឆ្នាំឆ្លូវ ពង្សមនុស្សប្រុស ធាតុដី រាសីស្រុតចុះ ។ នៅថ្ងៃនេះលោកអ្នកងាយភ្លាំងភ្លាំងណាស់ក្នុងទំនាក់ទំនងការងារ គប្បីមានការប្រយ័ត្នប្រយែងទើបចៀសផុតពីផលលំបាកទាំងពួងទៅរួច។ ការធ្វើដំណើរទីជិតឆ្ងាយប្រយ័ត្នមានក្រុមមនុស្សបៀតបៀន។ រីឯបញ្ហាស្នេហាកម្លោះក្រមុំមានការខ្វាយខ្វល់ច្រើនព្រោះតែការគិតច្រើនតែម្នាក់ឯង៕
ឆ្នាំខាល
-ម៉ោងនៃលាភសំណាងគឺម៉ោង៤ព្រឹក ដល់ម៉ោង ៤ល្ងាច។
-ពណ៌នៃលាភសំណាងគឺពណ៌ទឹកក្រូច និងឈាមជ្រូក។
-លេខនៃលាភសំណាងគឺលេខ២៧ និងលេខ៤៩។
-សូមខមិនលេខ ១៦៨ យកលាភសម្បត្តិអភិជននឹងប្រទានសម្បត្តិមហាសេដ្ឋីមានលាភធំលុយចូលហូរហៀរ។
ចំពោះអស់លោកអ្នកដែលកើតឆ្នាំខាល ពង្សយក្សស្រី ធាតុឈើ រាសីល្អជាមធ្យម។ នៅថ្ងៃនេះទោះធ្វើអ្វីក៏ដោយក៏តែងមិនភ្លឺថ្លាដូចគោលបំណងដែរ ការងាររបស់អ្នកជួបការលំបាកច្រើនសមត្ថភាពធ្វើការអារម្មណ៍មិននឹងនរហេតុកាន់តែជះឥទ្ធិពលច្រើនដល់ការងារ។ បើជាអ្នកប្រកបមុខរបររកស៊ីជួញដូរវិញមិនមានបញ្ហាអ្វីគួរឲ្យរាំងស្ទះនោះទេនិងចេះតែរីកចម្រើនទៅមុខផងដែរ។ រីឯបញ្ហាគូស្នេហ៍មានភាពស្រស់ស្រាយព្រោះតែម្នាក់ៗយកទុកដាក់ចំពោះគ្នាគ្រាន់បើជាងមុន៕
ឆ្នាំថោះ
-ម៉ោងនៃលាភសំណាងគឺម៉ោង៥ព្រឹកដល់ម៉ោង៦ល្ងាច។
-ពណ៌នៃលាភសំណាងគឺពណ៌ខ្មៅ និងស។
-លេខនៃលាភសំណាងគឺលេខ១ និងលេខ៦៩។
-សូមខមិនលេខ៩៩៩ ដើម្បីយកលាភសម្បត្តិអភិជនលុយស្តុកស្តម្ភនឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំថោះ ពង្សមនុស្សស្រី ធាតុឈើ រាសីល្អជាមធ្យម។ ថ្ងៃនេះផ្តល់ផលល្អនៅក្នុងការសម្រេចចិត្តការងារឬចង់បណ្តាក់ទុនរកស៊ីអ្វីមួយ ពីព្រោះថាផលជាផ្លែផ្កាតែងឆ្លើយតបមកវិញជាទីពេញចិត្តជានិច្ច។ បើជាអ្នកប្រកបរបររកស៊ីជួញដូរវិញ ការទិញចូលលក់ចេញគ្រាន់រស់រវើកគួរសម ហើយបើចង់ចរចារឿងទំនិញអ្វីមួយផងតែងអាចសម្រេចបានចប់ចុងចប់ដើមទៀតផង។ ចំណែកបញ្ហាគូស្នេហ៍កម្លោះក្រមុំមានការរីកលូតលាស់ទៅមុខនិងបើមានការចង់ផ្សំផ្គុំគ្រួសារផងក៏ជាឱកាសល្អប្រពៃបំផុត៕
ឆ្នាំរោង
-ម៉ោងនៃលាភសំណាងគឺម៉ោង ៥ព្រឹកដល់ម៉ោង ៨យប់។
-ពណ៌នៃលាភសំណាងគឺពណ៌ស និងលឿង។
-លេខនៃលាភសំណាងគឺលេខ ៤៨ និងលេខ ៩៩។
-សូមខមិនលេខ ១៦៨ យកលាភសម្បត្តិមហាសេដ្ឋីនឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរមិនខ្វះចាយឡើយ។
ចំពោះអស់លោកអ្នកដែលកើតឆ្នាំរោង ពង្សទេវប្រុស ធាតុមាស រាសីល្អជាមធ្យម។ នៅថ្ងៃនេះជួបលើកំណាត់ផ្លូវលំបាកបន្តិច ហើយមានធ្វើអ្វីមួយផងតែងមានក្រុមមនុស្សតាមចាក់ឆ្កឹះឆ្កៀលនាំអោយជួបរឿងសៅហ្មងមិនតិចឡើយ ។ បើលោកអ្នកជាអ្នកប្រកបមុខរបររកស៊ីជួញដូរវិញ នឹងទទួលបានប្រាក់ចំណេញកាក់កបគ្រាន់បើជាងមុនផង។ ចំពោះមនោសញ្ចេតនាពុំទាន់មានឱកាសបានជួបមនុស្សដូចប្រាថ្នាទេ៕
ឆ្នាំម្សាញ់
-ម៉ោងនៃលាភសំណាងគឺម៉ោង ៤ព្រឹកដល់ម៉ោង ៧យប់។
-ពណ៌នៃលាភសំណាងគឺពណ៌បៃតង និងពណ៌ក្រហម។
-លេខនៃលាភសំណាងគឺលេខ៧៧និងលេខ៩៩។
-សូមខមិនលេខ ៨៩៩ យកលាភសម្បត្តិទេវតាទ្រព្យនិងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរមិនខ្វះចាយឡើយ។
ចំពោះអស់លោកអ្នកដែលកើតឆ្នាំម្សាញ់ ពង្សមនុស្សប្រុស ធាតុភ្លើង រាសីឡើងល្អជាមធ្យម។ រាល់ការប្រកបការងារអ្វីមួយមិនត្រូវមើលស្រាលក្រុមមនុស្សឡើយត្រូវតែប្រុងប្រយ័ត្នជានិច្ច ពីព្រោះគេចាំតែមើលចន្លោះប្រហោងរបស់លោកអ្នកដើម្បីវាយប្រហារប៉ុណ្ណោះ។ បើជាអ្នកប្រកបមុខរបររកស៊ីជួញដូរវិញទោះបីជាលក់ដូរអ្វីក៏ដាច់ជាងពេលមុនៗដែរ។ ចំណែកបញ្ហាស្នេហាកម្លោះក្រមុំ ពោះម៉ាយ ឬមេម៉ាយមានភាពផុយស្រួយកើតមានជម្លោះវិវាទណាស់ គួរប្រយ័ត្នប្រយែងពាក្យសម្តីបន្តិចទើបជាការប្រសើរ៕
ឆ្នាំមមី
-ម៉ោងនៃលាភសំណាងគឺម៉ោង ៧ព្រឹកដល់ម៉ោង៧យប់។
-ពណ៌នៃលាភសំណាងគឺទឹកក្រូច និងស។
-លេខនៃលាភសំណាងគឺលេខ ៧៧ និងលេខ៨៩។
-សូមខមិនលេខ ៥៥៥ យកលាភសម្បត្តិសំពៅហ្លួង នឹងប្រទានសម្បត្តិមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំមមី ពង្សទេវតាស្រី ធាតុភ្លើង រាសីឡើងខ្ពស់ត្រដែត។ លោកអ្នកនឹងជួបការងាររៀបរយល្អណាស់ ជាពិសេសលោកអ្នកមានការឈ្លាសវៃក្នុងការបំពេញការងារផ្សេងៗដែលធ្វើឲ្យលោកអ្នកទទួលបានផលសម្រេចតាមគោលដៅផង។ បើជាអ្នកប្រកបមុខរបររកស៊ីជួញដូរវិញ អាចមានគេមកបបួលរកស៊ីដាក់ទុនជាមួយផងដូច្នេះលោកអ្នកគួរតែប្រថុយចុះ ព្រោះមិនខកបំណងទេ។ រីឯបញ្ហាគូស្នេហ៍រស់នៅជាមួយគ្នាប្រកបទៅដោយភាពផ្អែមល្ហែម៕
ឆ្នាំមមែ
-ម៉ោងនៃលាភសំណាងគឺម៉ោង៨ព្រឹក ដល់ម៉ោង ១០យប់។
-ពណ៌នៃលាភសំណាងគឺពណ៌ប្រផេះ និងពណ៌បៃតង។
-លេខនៃលាភសំណាងគឺលេខ ២០ និងលេខ៦៦។
-សូមខមិនលេខ ៧៨៩ យកលាភសម្បត្តិអ្នកមានជាន់ខ្ពស់ នឹងប្រទានសម្បត្តិមហាសេដ្ឋីមានលាភមានជ័យមានលុយចូលហូរហៀរ។
ចំពោះអស់លោកអ្នកដែលកើតឆ្នាំមមែ ពង្សទេវតាស្រី ធាតុមាស រាសីខ្ពស់ត្រដែត។ គ្រប់កិច្ចការទាំងអស់ដែលលោកអ្នកព្យាយាមធ្វើសុទ្ធតែនាំមកនូវអត្ថប្រយោជន៍ធំទូលំទូលាយគួរជាទីពេញចិត្ត ហើយបើជាអ្នករាជការវិញនោះក៏អាចនឹងត្រូវបានផ្លាស់ប្តូរមុខនាទីថ្មី ហើយល្អផងដែរ។ បើជាអ្នកប្រកបមុខរបររកស៊ីជួញដូរវិញទោះបីចេញទៅទីជិតឆ្ងាយក្តីតែងបានផលកម្រៃកាក់កបជាទីពេញចិត្តដែរ។ ចំណែកបញ្ហាស្នេហាមានស្ថានភាពល្អប្រពៃ៕
ឆ្នាំវក
-ម៉ោងនៃលាភសំណាងគឺម៉ោង៧ព្រឹក ដល់ម៉ោង៧យប់។
-ពណ៌នៃលាភសំណាងគឺពណ៌សនិងក្រហម។
-លេខនៃលាភសំណាងគឺលេខ ៧៧ និងលេខ៨៩។
-សូមខមិនលេខ ៧៧៩ យកលាភសម្បត្តិអ្នកមានជាន់ខ្ពស់ នឹងប្រទានសម្បត្តិមហាសេដ្ឋីមានលាភធំចូលផ្ទះ លុយកាក់មាសប្រាក់មិនខ្វះចាយឡើយ។
ចំពោះអស់លោកអ្នកដែលកើតឆ្នាំវក ពង្យយក្សប្រុស ធាតុដែក រាសីឡើងខ្ពស់។ នៅក្នុងថ្ងៃនេះលោកនឹងទទួលដំណឹងល្អ ឬជោគលាភអ្វីមួយចូលមកធ្វើអោយសប្បាយចិត្តផង។ បើជាអ្នកប្រកបមុខរបររកស៊ីជួញដូរជិតឆ្ងាយតែងតែទទួលជោគជ័យដោយការកើបផលចំណេញត្រឡប់មកផ្ទះវិញមួយចំនួនថែមទៀតដែរ។ ចំណែកបញ្ហាស្នេហាប្រុសស្រីវិញមានភាពសុខដុមផ្អែមល្ហែមល្អប្រៀបដូចជាទឹកនិងត្រីនារដូវខែវស្សា ៕
ឆ្នាំរកា
-ម៉ោងនៃលាភសំណាងគឺម៉ោង ៥ព្រឹកដល់ម៉ោង ៨យប់។
-ពណ៌នៃលាភសំណាងគឺពណ៌ស និងលឿង។
-លេខនៃលាភសំណាងគឺលេខ ៤៨ និងលេខ ៥៩។
-សូមខមិនលេខ៦៦៦ យកលាភសម្បត្តិគហិបតីជាន់ខ្ពស់នឹងប្រទានសម្បត្តិមហាសេដ្ឋីមានលាភមានជ័យ មានលុយចូលហូរហៀរ។
ចំពោះអស់លោកអ្នកដែលកើតឆ្នាំរកា ពង្សយក្សប្រុស ធាតុដែក រាសីឡើងខ្ពស់ត្រដែត។ បើលោកអ្នកមានការចាត់ចែងការងារចាស់ឬកិច្ចការងារដែលនៅសេសសល់ពីមុនមកតែងផ្តល់ផលល្អនៅពេលក្រោយវិញជានិច្ច។ ចំពោះអ្នកប្រកបមុខរបររកស៊ីជួញដូរវិញមានការចម្រើនលូតលាស់ទៅមុខ ដូច្នេះជាឱកាសល្អក្នុងការបើកមុខរបរឬបើកធ្វើជំនួញតូចធំបំផុត។ ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯសម្ព័ន្ធស្នេហាប្រុសស្រីមានភាពយកចិត្តទុកដាក់និងផ្អែមល្ហែមល្អចំពោះគ្នាប្រពៃណាស់៕
ឆ្នាំច
-ម៉ោងនៃលាភសំណាងគឺម៉ោង ៦ព្រឹក ដល់ម៉ោង ៦ល្ងាច។
-ពណ៌នៃលាភសំណាងគឺពណ៌ស និងក្រហម។
-លេខនៃលាភសំណាងគឺលេខ ១១ និងលេខ៦១។
-សូមខមិនលេខ៥៥៥ យកលាភសម្បត្តិអភិជននឹងប្រទានសម្បត្តិមហាសេដ្ឋីមានលាភធំចូលផ្ទះលុយកាក់មាសប្រាក់មិនខ្វាយចាយឡើយ។
ចំពោះអស់លោកអ្នកដែលកើតឆ្នាច ពង្សយក្សស្រី រាសីឡើងខ្ពស់។ ក្នុងថ្ងៃនេះឃើញថាដំណើរជីវិតលោកអ្នកល្អប្រសើរទេ ទោះធ្វើអ្វីក៏តែងបានសម្រេចដូចបំណងប្រាថ្នា។ បើជាអ្នកប្រកបមុខរបររកស៊ីជួញដូរវិញអាចរកប្រាក់ចំណូលចិញ្ចឹមគ្រួសារបានដោយស្រួលទេ មិនមានអ្វីមករាំងស្ទះឡើយ។ ការធ្វើដំណើរទីជិតឆ្ងាយមានតែក្រុមមនុស្សអាណិតស្រឡាញ់ជានិច្ច។ រីឯបញ្ហាស្នេហាគូស្នេហ៍រមែងចេះអត់ឱនអោយគ្នាល្អណាស់មិនមានអ្វីគួរឲ្យកត់សម្គាល់ឡើយ៕
ឆ្នាំកុរ
-ម៉ោងនៃលាភសំណាងគឺម៉ោង ៤ព្រឹកដល់ម៉ោង ៧យប់។
-ពណ៌នៃលាភសំណាងគឺពណ៌ក្រហម និងបៃតង។
-លេខនៃសំណាងគឺលេខ ៧៧និងលេខ ៨៨។
-សូមខមិនលេខ ៨៩៩ យកលាភសម្បត្តិសំពៅហ្លួង នឹងប្រទានសម្បត្តិមហាសេដ្ឋីមានលាភមានជ័យមានលុយធំចូលផ្ទះលុយកាក់មាសប្រាក់មិនខ្វះចាយឡើយ។
ចំពោះអស់លោកអ្នកដែលកើតឆ្នាំកុរ ពង្សមនុស្សស្រី ធាតុទឹក រាសីស្រុតចុះ។ ក្នុងថ្ងៃនេះដោយសារដំណើរជីវិតមិនល្អប្រសើរម្ល៉ោះហើយធ្វើឲ្យអារម្មណ៍តប់ប្រមល់ការងាររាំងស្ទះញឹកញាប់ទៀតផង សម្រាប់ពេលវេលាមិនល្អពីម៉ោង ១១ ទៅដល់ម៉ោង ១២៖៥៩នាទី គប្បីប្រយ័ត្នប្រយែងបន្តិច។ សម្រាប់អ្នកប្រកបរបររកស៊ីជួញដូរមានការចំណាយច្រើនធ្វើឲ្យមានការទទួលអម្រែកធ្ងន់ជាងមុន ហើយត្រូវខិតខំប្រឹងប្រែងខ្លះទើបអាចជោគជ័យទៅរួច។ រីឯសម្ព័ន្ធស្នេហាកម្លោះក្រមុំ មេម៉ាយ ឬពោះម៉ាយក្តីមានការពិបាកក្នុងការចុះសម្រុង និងតាមចាប់កំហុសគ្នាច្រើន៕