គិតមកមកត្រឹមម៉ោង ៧ និង ០០ នាទី ព្រឹកថ្ងៃទី១៣ ខែមីនា ឆ្នាំ២០២១ នេះ យោងតាមសេចក្តីជូនដំណឹងរបស់ក្រសួងសុខាភិបាល បានបញ្ជាក់ឲ្យដឹងថា រកឃើញអ្នកឆ្លងថ្មីចំនួន ៣៩ នាក់ ដែលសុទ្ធសឹងជាករណីឆ្លងក្នុងសហគមន៍ ២០ កុម្ភៈ និងជាសះស្បើយចំនួន០៤នាក់ ។
ក្រសួងសុខាភិបាលបានបញ្ជាក់ថា ក្នុងចំណោមអ្នកឆ្លងក្នុងសហគមន៍ថ្មីទាំង ៣៩នាក់ មានជនជាតិខ្មែរ ២៩ នាក់, ជនជាតិចិន៥នាក់ និងជនជាតិវៀតណាម៥នាក់ ដែលរកឃើញនៅរាជធានីភ្នំពេញ ខេត្តព្រះសីហនុ កណ្តាល និងព្រៃវែង។ ចំណែកអ្នកជាសះស្បើយទាំង៤នាក់ គឺស្ត្រីជនជាតិខ្មែរម្នាក់ និងបុរសជនជាតិចិន៣នាក់ ដែលឆ្លងក្នុងព្រឹត្តិការណ៍ «សហគមន៍២០កុម្ភៈ» និងអនុញ្ញាតឲ្យចេញពីកន្លែងព្យាបាលផងដែរ។
សូមបញ្ជាក់ថា គិតមកត្រឹមថ្ងៃនេះ កម្ពុជារកឃើញអ្នកឆ្លងកូវីដ១៩ សរុប១២៦៤នាក់ ក្នុងនោះអ្នកជាសះស្បើយចំនួន ៦២៣នាក់ និងអ្នកកំពុងសម្រាកព្យាបាលចំនួន ៦៣៩នាក់ ខណៈអ្នកស្លាប់ត្រឹម០១នាក់ប៉ុណ្ណោះ៕ រក្សាសិទ្ធិដោយ៖ លឹម ហុង
