ប៉ូលិសចរាចរណ៍ម្នាក់បានលើកដៃទប់ស្កាត់ម៉ូតូរបស់នារីឥណ្ឌូណេស៊ីម្នាក់ ដែលពុំមានពាក់មួកសុវត្ថិភាពស្រាប់តែគាត់ស្ទុះចុះមកចាប់ដៃប៉ូលិសខាំហើយប្រឹងស្រែកជាមួយនឹងសម្រែករបស់ប៉ូលិស។
ហេតុការណ៍កនេះកើតឡើងនៅ Ipilo ភាគខាងជើង Sulawesi, ខណៈពេលស្ត្រីម្នាក់ជិះម៉ូតូ ត្រូវបានប៉ូលិសសំណូមពរឲ្យឈប់ ព្រោះតែគាត់ភ្លេចពាក់មួកសុវត្ថិភាព។ ប៉ុន្តែជនល្មើស បែរជាបណ្តើរម៉ូតូបំបុកសំដៅប៉ូលិសចរាចរណ៍ ដែលកំពុងបំពេញភារៈកិច្ចជាមួយនឹងអាកប្បកិរិយាខឹងក្រេវក្រោធ និងស្រែកខ្លាំងៗ ក្រោយពេលវាយជន្ទុលម៉ូតូ ស្ត្រីរូបនេះ ស្រាប់តែដើរតម្រង់សំដៅភ្នាក់ងារប៉ូលិស រួចចាប់កដៃជាប់ ហើយប្រឹងខាំផង ស្រែកផង។ ប៉ូលិសរូបនេះ បានបង្ហាញទឹកមុខឈឺចុកចាប់ តែគាត់ពុំកន្ត្រាក់ដៃ ហើយក៏ពុំមានទង្វើតបត។ ទោះបីជាកំពុងឈឺក្តី គាត់នៅសម្តែងសភាពនឹងនរ ដោយសំណូមពរឲ្យស្ត្រីរូបនេះបញ្ឈប់សកម្មភាព “ខាំកកេរ” បន្តទៀត។ នៅពេលនោះមានមនុស្សដើរកាត់បានស្រែករិះគន់ធ្វើឲ្យនារីនោះបានហើបមាត់ងាកមកជេរត រួចបែរបន្តមកខាំដៃប៉ូលិសនោះទៀត។
គេពុំទាន់ដឹងថា នារីរូបនេះ នឹងត្រូវរងការពិន័យបែបណាឲ្យសក្តិសមនឹងទង្វើព្រៃផ្សៃរបស់ខ្លួនទេ ប៉ុន្តសាធារណៈមតិបានជេរស្តីនារីនោះយ៉ាងចាស់ដៃ។
មិនដឹងថា ប្រសិនបើករណីដូចគ្នានេះ កើតឡើងចំពោះប៉ូលិសស្រុកយើងវិញ តើគាត់នឹងមានប្រតិកម្មបែបណាទៅណ៎!?
