ភ្នំពេញ ៖ យុវជនម្នាក់បើកម៉ូតូលឿន មិនប្រយ័ត្នជ្រុលបុករថយន្តស្ទូចសមត្ថកិច្ច ខ្ទាតអ្នកបើកទៅប៉ះរថយន្តមួយគ្រឿងទៀតបណ្ដាលបាក់កញ្ចក់មើលក្រោយ និងក្រពិតទ្វាមុខខាងឆ្វេង និងអ្នកបើកបរម៉ូតូរងរបួសស្រាល។
ហេតុការណ៍នេះ បានកើតឡើងនៅវេលាម៉ោង៣និង៤០នាទី ថ្ងៃទី១៣ខែមីនាឆ្នាំ២០២១ ត្រង់ចំណុចតារាងហ្គោលស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
ប្រភពពីជនរងគ្រោះបានប្រាប់អោយដឹងថា មុនកើតហេតុគាត់ជិះម៉ូតូសង់ស៊េរីឆ្នាំ២០០៧ ពណ៌ខ្មៅពាក់ផ្លាកលេខកណ្ដាល 1B-0309 ម្នាក់ឯង ទៅទិញគ្រឿងបន្លាស់រថយន្ត នៅអូរឬស្សី ដោយជិះកាត់ក្នុងដីបឹងកក់ក្នុងល្បឿនលឿន លុះមកដល់ត្រង់ចំណុចកើតហេតុបានជ្រុលទៅបុករថយន្តស្ទូចសមត្ថកិច្ចការិយាល័យចរាចរណ៍ក្រុង ដែលបត់ឆ្វេងចំពីមុខយ៉ាងពេញទំហឹងបណ្ដាលអោយដួលនិងខ្ទាតអ្នកបើកម៉ូតូទៅប៉ះរថយន្តហ្វតពណ៌សពាក់ផ្លាកលេខភ្នំពេញ 2BE-0989 មួយគ្រឿងទៀត កំពុងឈប់រង់ចាំបត់ឆ្វេង
ចំទ្វាមុខខាងឆ្វេងក្រពិត និងបាក់កញ្ចក់មើលក្រោយអស់មួយ ក្នុងហេតុការណ៍នេះរងរបួសអ្នកបើកម៉ូតូម្នាក់ស្រាល។
ក្រោយកើតហេតុ រថយន្តសមត្ថកិច្ចសុំយកទៅជុសជុលដោយខ្លួនឯងព្រោះជារថយន្តអង្គភាព ចំណែករថយន្តហ្វតត្រូវយុវជនដែលបើកម៉ូតូ យល់ព្រមយកទៅការាស់របស់ខ្លួននៅឬស្សីកែវជួសជុលឲ្យស្អាតដូចដើមវិញដោយមិនរំខានដល់សមត្ថកិច្ចមូលដ្ឋានឡើយ៕ រក្សាសិទ្ធិដោយ៖ សារឿន
