ខេត្តកែប ៖ គណៈបញ្ជាការឯកភាពរដ្ឋបាលខេត្តកែប នឹងធ្វើការដាក់ប៉ុស្តិ៍ត្រួតពិនិត្យ ក្នុងគោលបំណងអនុវត្តវិធានការសុខាភិបាល ចំពោះការធ្វើដំណើររបស់ប្រជាពលរដ្ឋមកពីក្រៅខេត្តចូលក្នុងភូមិសាស្ត្រខេត្តកែប ចាប់ពីថ្ងៃប្រកាសជូនដំណឹងនេះតទៅ។
សូមបងប្អូនប្រជាពលរដ្ឋទាំងអស់ចូលរួមអនុវត្តវិធានការសុខាភិបាលឲ្យបានម៉ឺងម៉ាត់បំផុត ជាពិសេសប្រកាន់ខ្ជាប់នូវវិធានការ “៣កុំ និង ៣ការពារ” របស់សម្ដេចតេជោ ដើម្បីចូលរួមបង្ការទប់ស្កាត់ការរីករាលដាលនៃជំងឺកូវីដ-១៩ ក្នុងសហគមន៍។
បើតាមសេចក្តីប្រកាសព័ត៌មាន ជាក់ប៉ុស្តិ៍ត្រួតពិនិត្យការធ្វើដំណើររបស់ប្រជាពលរដ្ឋមកពីក្រៅខេត្តចូលក្នុងភូមិសាស្ត្រខេត្តកែប។
រដ្ឋបាលខេត្តកែប មានកិត្តិយសសូមជម្រាបជូនដំណឹងដល់បងប្អូនប្រជាពលរដ្ឋ និងសាធារណជន មេត្តាជ្រាបថា ដោយស្ថានភាពរីករាលដាលនៃជំងឺកូវីដ-១៩ ចូលក្នុងសហគមន៍ ពិសេសព្រឹត្តិការណ៍ “សហគបន៍ ២០កុម្ភៈនៅតែបន្តកើនឡើង។ ដើម្បីទប់ស្កាត់ការឆ្លងរីករាលដាលជំងឺកូវដ-១៩ក្នុងភូមិសាខេត្ត និងបង្កលក្ខណៈ ងាយស្រួលដល់មន្ត្រីជំនាញក្នុងការស្រាវជ្រាវ និងកំណត់មុខសញ្ញាដែលមានហានិភ័យខ្ពស់ និងសំដៅកាត់ផ្តាច់ ខ្សែរយៈចម្លងចូលក្នុងសហគមន៍។
រដ្ឋបាលខេត្តបានកំណត់ទីតាំងដាក់ប៉ុស្តិ៍ត្រួតពិនិត្យការធ្វើដំណើររបស់ប្រជាពលរដ្ឋមកពីក្រៅខេត្តចូលក្នុងភូមិសាស្ត្រខេត្តកែបចាប់ពីថ្ងៃទី១៤ ខែមីនា ឆ្នាំ២០២១ ចំនួន ០៣រួមមាន៖
+ទីតាំងទី១៖ លើដងផ្លូវជាតិលេខ ៣៣ ត្រង់ចំណុចក្បែររោងចក្រពូចិន ស្ថិតក្នុងឃុំពងទឹក ស្រុកដំណាក់ចង្អើរ
+ទីតាំងទី២៖ លើដងផ្លូវខេត្តលេខ ១៣៣២ ត្រង់ចំណុចក្បែរស្ពានដែក (ព្រំប្រទល់ស្រុកដំណាក់ចង្អើរ ជាមួយស្រុកកំពង់ត្រាច ខេត្តកំពត) ស្ថិតក្នុងឃុំអង្កាល ស្រុកដំណាក់ចង្អើរ
+ទីតាំងទី៣៖ លើដងផ្លូវជាតិលេខ ៣៣ ត្រង់ចំណុចប្រសព្វក្បែរផ្លូវចូលវត្តកំពង់នង់ (ព្រំប្រទល់ក្រុងកែប ជាមួយស្រុកទឹកឈូ ខេត្តកំពត) ស្ថិតក្នុងសង្កាត់អូរក្រសារ ក្រុងកែប ទន្ទឹមនេះ រដ្ឋបាលខេត្តសូមអំពាវនាវដល់បងប្អូនប្រជាពលរដ្ឋ បញ្ឈប់ការជួបជុំគ្នានៅទីកន្លែងប្រមូលផ្ដុំ ច្រើនកុះករក្នុងករណីមិនចាំបាច់ ហើយត្រូវអនុវត្តការរស់នៅតាមបែបគន្លងថ្មី ដោយខិតខំអនុវត្តឱ្យបានម៉ឺងម៉ាត់បំផុតនូវវិធានការរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សេចក្តីណែនាំរបស់ក្រសួងសុខាភិបាលឱ្យបានខ្ជាប់ខ្ជួនរួមមាន៖ ៣ ការពារ គឺពាក់ម៉ាស លាងដៃ និងរក្សាគម្លាត សុវត្ថិភាពសង្គម និងសុវត្ថិភាពបុគ្គល (ចាប់ពី១,៥ម៉ែត្រឡើងទៅឱ្យបានគ្រប់ៗគ្នានៅគ្រប់ទីកន្លែងទាំងអស់) និង ៣កុំ គឺកុំចូលកន្លែងបិទជិត គ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក ត្រូវរកកន្លែងដែលមានខ្យល់ចេញ ចូលគ្រប់គ្រាន់ កុំទៅកន្លែងដែលមានមនុស្សច្រើនកុះករ និងកុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នា…. ដើម៕ រក្សាសិទ្ធិដោយ៖បញ្ញាស័ក្តិ
