មន្ត្រីរដ្ឋបាលកំពូលម្នាក់នៃសេតវិមានបាននិយាយថា សេតវិមាននឹងរក្សាទុកនូវវ៉ាក់សាំងកូវីដ១៩របស់ក្រុមហ៊ុន AstraZeneca ខ្លះ ដូច្នេះជនជាតិអាមេរិកអាចទទួលបានវ៉ាក់សាំងយ៉ាងឆាប់រហ័សប្រសិនបើមានការយល់ព្រមពីអាជ្ញាធរសុខាភិបាលអាមេរិក។
ក្រុមហ៊ុន AstraZeneca បានផលិតនូវវ៉ាក់សាំងកូវីដ១៩ របស់ខ្លួននៅសហរដ្ឋអាមេរិកដែលវាមិនទាន់ត្រូវបានអនុម័តនៅឡើយ។ វ៉ាក់សាំងដែលបានបង្កើតឡើងជាមួយសាកលវិទ្យាល័យ Oxford ត្រូវបានអនុញ្ញាតឱ្យប្រើប្រាស់នៅសហភាពអឺរ៉ុបនិងប្រទេសជាច្រើន។
រ៉យទ័របានរាយការណ៍កាលពីសប្តាហ៍មុនថាមន្ត្រីអាមេរិកបានប្រាប់សហភាពអឺរ៉ុបកុំឲ្យរំពឹងថាការដឹកជញ្ជូនវ៉ាក់សាំងពីសហរដ្ឋអាមេរិកដែលនឹងមកដល់ឆាប់ៗនេះ។ អ្នកសម្របសម្រួលការឆ្លើយតបនៅសេតវិមានលោក Jeffrey Zients បាននិយាយថា៖« យើងមានស្តុកតូចចំពោះវ៉ាក់សាំង AstraZeneca ដូច្នេះប្រសិនបើមានការយល់ព្រមយើងអាចយកស្តុកនោះទៅអោយប្រជាជនអាមេរិក”។
កាសែតញូវយ៉កថែមស៍បានរាយការណ៍នៅសប្តាហ៍មុនថា វ៉ាក់សាំងរាប់សិបលានត្រូវបានផលិតរួចហើយនៅសហរដ្ឋអាមេរិក ហើយមួយចំនួនទៀតស្ថិតនៅក្នុងសង្វាក់ផលិតកម្មដែលមិនទាន់បានប្រើប្រាស់។ ក្រុមហ៊ុន AstraZeneca បាននិយាយកាលពីខែកុម្ភៈថាខ្លួនរំពឹងថាវ៉ាក់សាំងរបស់ខ្លួនអាចទទួលបានការអនុញ្ញាតឱ្យប្រើប្រាស់បន្ទាន់នៅអាមេរិកនៅដើមខែមេសា ហើយអាចចែកចាយថ្នាំចំនួន ៣០ លានភ្លាមៗទៅទីតាំងនានានៅជុំវិញសហរដ្ឋអាមេរិក។
ជំហររបស់សហរដ្ឋអាមេរិកអាចធ្វើឱ្យមានការបរាជ័យដល់ការប៉ុនប៉ងរបស់ក្រុមហ៊ុន AstraZeneca ដើម្បីខិតទៅជិតដល់ប្រគល់កាតព្វកិច្ចកិច្ចសន្យារបស់ខ្លួនជាមួយសហភាពអ៊ឺរ៉ុបចំនួន ១៨០ លានដូសនៅក្នុងត្រីមាសទី ២ ។
ប្រភពពីសហភាពអឺរ៉ុបបានប្រាប់រ៉យទ័រថាក្រុមហ៊ុន AstraZeneca បានប្រាប់សហភាពអឺរ៉ុបកាលពីដើមឆ្នាំនេះថា ខ្លួននឹងកាត់បន្ថយការផ្គត់ផ្គង់របស់ខ្លួននៅក្នុងត្រីមាសទី ២ យ៉ាងហោចណាស់ពាក់កណ្តាលទៅតិចជាង ៩០ លានដូស។
ប្រធានាធិបតីអាមេរិកលោក Joe Biden បាននិយាយកាលពីថ្ងៃពុធថារដ្ឋាភិបាលនឹងផ្តល់វ៉ាក់សាំងការពារប្រជាជនពីកូវិដ១៩១ ប៉ុន្តែជាអាទិភាពណាមួយនឹងត្រូវបានចែកចាយជាមួយពិភពលោក។ សហរដ្ឋអាមេរិកគឺជាប្រទេសនាំមុខគេមួយក្នុងការគ្រប់គ្រងរដ្ឋបាលវ៉ាក់សាំង។
ខ្លួនបានចែកចាយច្រើនជាង ១៣០ លានដូសនិងគ្រប់គ្រងជិត ១០០ លានដូស។ នេះបើយោងតាមទិន្នន័យសហព័ន្ធដែលបានធ្វើបច្ចុប្បន្នភាពចុងក្រោយកាលពីថ្ងៃព្រហស្បតិ៍សប្តាហ៍មុន។ មន្ត្រីសេតវិមានបាននិយាយនៅថ្ងៃសុក្រថាជនជាតិអាមេរិកអាយុ ៦៥ភាគរយដែលមានអាយុលើសពី ៦៥ ឆ្នាំត្រូវទទួលបានវ៉ាក់សាំង៕ រ៉យទ័រ
