ភ្នំពេញ៖ រាជរដ្ឋាភិបាលបានចេញអនុក្រឹត្យមួយ ដែលមាន៩ជំពូក និង៣៥មាត្រា ដើម្បីពិន័យទៅលើ បុគ្គលណាដែលមិនគោរពទៅតាមវិធានការ សុខាភិបាល និងធ្វើឱ្យការឆ្លងជំងឺកូវីដ១៩កាន់តែរីកធំទៅ។
ខ្លឹមសារសង្ខេបនៃការពិន័យជាសាច់ប្រាក់ ក្នុងអំឡុងពេលជំងឺកូវីដ១៩នេះ ដែលមាននៅក្នុងអនុក្រឹត្យនេះ បាន ចែង មានដូចតទៅ៖
- អត់ពាក់ម៉ាស ពិន័យ ២០ម៉ឺនរៀល ទៅ ១លានរៀល
- រៀបចំការជួបជុំ ពិន័យ ១លានរៀល ទៅ ៥លានរៀល
- មិនព្រមឱ្យសំណាក ពិន័យ១លានរៀល ទៅ៥លានរៀល
- គេចពីចត្តាឡីស័ក ពិន័យ១លានរៀល ទៅ៥លានរៀល
- អ្នកផ្ដើមគំនិតញុះញង់ ពិន័យ១០លានរៀល ទៅ៥០លានរៀល
- មិនព្រមនៅដាច់ដោយឡែកអំឡុងពេលព្យាបាល ២លានរៀល ទៅ ១០លានរៀល
- ចាត់ចែងសាកសពល្មើសមាត្រា១៥ ពិន័យ ៥លានរៀល ទៅ ២០លានរៀល
- គ្រឹះស្ថានសុខាភិបាលឯកជន មិនជូនដំណឹងទៅក្រសួងសុខាភិបាល ករណីមានអ្នកជំងឺកូវីដ១៩ ពិន័យ ១០លានរៀល ទៅ ៥០លានរៀល
គួរបញ្ជាក់ថា អនុក្រឹត្យលេខ៣៧ អនក្រ.បក ស្តីពីវិធានការសុខាភិបាល ដើម្បីទប់ស្កាត់ការ ឆ្លងរាល ដាល នៃជំងឺកូវីដ ១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀតរបស់រាជរដ្ឋាភិបាលកម្ពុជា ត្រូវបានចុះហត្ថលេខាដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះ រាជាណាចក្រកម្ពុជា នៅថ្ងៃទី១២ ខែមីនា ឆ្នាំ២០២១នេះ៕
រក្សាសិទ្ធិដោយ៖CEN
