កំពត ៖ ទោះបីកំពុងស្ថិតនៅក្នុងដំណាក់កាលកូវីដ-១៩ដោយក៏ ក៏ទីតាំងមួយចំនួននៅខេត្តកំពតនៅមាន សកម្ម ភាពសាង់សង់អចនលទ្រព្យជាហូរហែរ។ ភូមិតាដិប សង្កាត់អណ្តូងខ្មែរ ខេត្តកំពត ជាទីតាំងដែលគេមើល ឃើញថា កំពុងមានការអភិវឌ្ឍ និងបានប្រែក្លាយតំបន់នោះ ជាទីតាំងដែលលំនៅឋានសម្រាប់សម្រាកលម្ហែកាយដ៏ពេញនិយម ពិសេសគឺសម្រាប់ជនបរទេស ដែលតែង តែទៅលេងកម្សាន្តនិងរស់នៅទីនោះជាហូរហែ រហូតដល់គេហៅភូមិនោះថា “ភូមិបារាំង (ក្រៅផ្លូវការ) ។
ភូមិតាដិប ឬ ហៅថា “ភូមិបារាំង”នេះ មានប្រជាពលរដ្ឋរស់នៅចំនួន ៤៤៧គ្រួសារ ស្មើនឹង ២៥៦០នាក់។ ប្រជាជនភាគច្រើន មានជីវភាពធូរធា ដោយប៉ុន្មានឆ្នាំចុងក្រោយនេះ សកម្មភាពអភិវឌ្ឍន៍នៅនោះ បន្តធ្វើឡើងឥតឈប់ឈរ ធ្វើឱ្យដីកាន់តែមានតម្លៃខ្ពស់ បើទោះបីកំពុងស្ថិតនៅក្នុងអន្តរកាលនៃជំងឺកូវីដ១៩ក៏ដោយ ក៏ដីស្រែ និងដីចំការតំបន់នេះ បានក្លាយទៅជាដីសម្រាប់សាងសង់សណ្ឋាគារ ប៊ូទិក បឹងហ្គាឡូ និងផ្ទះវីឡាជាដើម ហើយបច្ចុប្បន្ននេះ នៅតែបន្តសាងសង់ឥតឈប់ឈរបន្ថែមជាច្រើនកន្លែងទៀត។
គួរបញ្ជាក់ថា បើតាមលោក ហ៊ូ សុខន អនុប្រធានភូមិតាដិប បានឱ្យដឹងថា ប្រជាពលរដ្ឋនៅក្នុងភូមិនេះ ឱ្យតម្លៃខ្លាំងណាស់ចំពោះសុខសន្តិភាព និងគោលនយោបាយដឹកនាំដ៏ត្រឹមត្រូវរបស់ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន។ តំណាងឱ្យពលរដ្ឋភូមិតាដិប លោកនឹងបន្តខិតខំអនុវត្តតាមការចង្អុលបង្ហាញ និងបន្តគាំទ្រ ថែរក្សាសន្តិភាព ដែលមានសព្វថ្ងៃឱ្យបានគង់វង្ស។ លោកបន្តែមថា ភូមិតាដិបឥឡូវនេះ មានការអភិវឌ្ឍរីកចម្រើនយ៉ាងខ្លាំង ទាំងហេដ្ឋារចនាសម្ព័ន្ធ ផ្លូវថ្នល់ ទឹក ភ្លើង អគ្គីសនី គ្រប់ទីកន្លែង៕
រក្សាសិទ្ធិដោយ៖CEN
