ភ្នំពេញៈ នៅក្នុងគ្រោះថ្នាក់ចរាចរណ៍ទូទាំងប្រទេស រយៈពេល ៧៣ថ្ងៃ បានកើតឡើងចំនួន ៦៤០លើក គិតចាប់ពីថ្ងៃទី១ ខែមករា ដល់ថ្ងៃទី១៤ ខែមីនា ឆ្នាំ២០២១ មានមនុស្សចំនួន ៣៥៤នាក់ បានស្លាប់ និងរបួសចំនួន ៩៩៥នាក់ ក្នុងនោះធ្ងន់ចំនួន ៥៧២នសក់។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ ដែលសារព័ត៍មាន CEN ទទួលបាននៅព្រឹកថ្ងៃទី១៥ ខែមីនា ឆ្នាំ២០២១។
របាយការណ៍បានបន្តថា សម្រាប់គ្រោះថ្នាក់ចរាចរណ៍កាលពីថ្ងៃទី១៤ ខែមីនា ឆ្នាំ២០២១ បានកើតឡើងចំនួន ៩លើក ស្លាប់ ៧នាក់ និងរបួសធ្ងន់ ៤នាក់។
។
របាយការណ៍បានបន្តទៀតថា ចំពោះការរឹតបន្តឹងការអនុវត្តច្បាប់ចរាចរណ៍វិញ នៅក្នុងរយៈពេល ៦៨ថ្ងៃ គិតចាប់ពីថ្ងៃទី១ ខែមករា ដល់ថ្ងៃទី១៤ ខែមីនា ឆ្នាំ២០២១ យានយន្តដែលល្មើសច្បាប់ចរាចរណ៍មានចំនួនសរុប ៦០០៧៨គ្រឿង ក្នុងនោះម៉ូតូចំនួន ៤៤១១៤គ្រឿង និងរថយន្តចំនួន ១៥៩៦៤គ្រឿង ក្នុងនោះរថយន្តតូច ១២៩០៧គ្រឿង និងធំ ៣០៥៧គ្រឿង៕ រក្សាសិទ្ធិដោយៈ ចេស្តារ
