ភ្នំពេញ ៖ មានការភ្ញាក់ផ្អើលមួយបានកើតឡើង ដោយនៅយប់ថ្ងៃទី១៤ ខែមីនា ឆ្នាំ២០២១ អន្ទិត កក្កដា សុភ័ណ្ឌ បានប្រកាសនៅក្នុងផេកផ្លូវការរបស់ខ្លួនថា ខ្លួនបានវិជ្ជមាន-១៩ និងសុំទោសទៅដល់អ្នកគ្រប់គ្នា បានជាប់ពាក់ព័ន្ធនឹងខ្លួន។
នេះជាសំណេរទាំងស្រុងរបស់ អន្ទិត កក្កដា សុភ័ណ្ឌ៖ «Update to my health ! ខ្ញុំ កក្កដា សោភ័ណ្ឌ បានទទួលលទ្ធផលពីគ្រូពេទ្យថា ខ្ញុំ Positive, មានផ្ទុកមេរោគ Covid-19 នេះពិតមែន។ អ្វីដែលស្មានមិនដល់ បានកើតឡើងហើយ… ឥឡូវនេះ ខ្ញុំធ្វើតាមការណែនាំរបស់គ្រូពេទ្យ នឹង ពង្រឹងស្មារតីឲ្យបានល្អ រងចាំការព្យាបាល ។ សូមទោសអ្នករាល់គ្នាផង… បើខ្ញុំមិនមកពិនិត្យ ខ្ញុំគេចវេស វាជារឿងមិនល្អទេ សុខចិត្តឲ្យអ្នកទាំងអស់គ្នាជេខ្ញុំ… សូមទោសមិត្តភក្តិ អ្នករាប់អាន ដែលខ្ញុំនាំទុក្ខអោយ.. សូមមេត្តាទៅពិនិត្យសុខភាពដែលនៅជិត នឹង ស្តាប់តាមការណែនាំរបស់រាជរដ្ឋាភិបាល កុំឲ្យស្តាយក្រោយដូចខ្ញុំ។ មណ្ឌលសុខភាពចាក់អង្រែ COVID19 Sorry»។
ពិតមែនហើយ ក្រៅពីអ្នកពាក់ព័ន្ធជាមួយនៅក្នុងពិធីមង្គលការមួយនៅក្នុងខេត្តតាកែវ នោះគេក៏ពុំបានដឹងថា មានអ្នកណាខ្លះទៀតទេ ដែលក៏បានធ្លាប់ប្រាស្រ័យទាក់ទងនឹងនាងអន្ទិតរូបនេះនោះទេ។
តែយ៉ាងណាមិញ ក្រោយពីបានឃើញមានការចែករំលែក នូវរូបភាពមួយសន្លឹករវាង អន្ទិត កក្កដា សុភ័ណ្ឌ និងព្រះនាងតូចនរោត្តម ជេនណា ដែលនាំឲ្យមានការយល់ច្រឡំ នៅពេលនេះ ព្រះនាង ក៏បានចេញមកបកស្រាយឲ្យដឹងច្បាស់យ៉ាងដូច្នេះថា៖ «សូមជម្រាបសួរពុកម៉ែបងប្អូនជិតឆ្ងាយទាំងអស់ ដែលព្រួយបារម្ភអំពីខ្ញុំ ក្រោយពីមានការផុសផ្សាយថា លោក កក្កដា សុភ័ណ្ឌ បានជួបខ្ញុំ។
ខ្ញុំចង់ជម្រាបថា រូបនេះ ថតជិតមួយឆ្នាំមកហើយ ដែលកាលនោះរូបគាត់បានមកលេងខ្ញុំនៅព្រះដំណាក់ មែន តែតាំងពីពេលនោះមកនេះខ្ញុំពុំដែលបានជួបគាត់ទៀតនោះទេ។
ខ្ញុំសូមអរគុណណាស់ដែលពុកម៉ែបងប្អូនព្រួយបារម្ភអំពី សុខភាពខ្ញុំ ខ្ញុំនិងក្រុមគ្រួសារពុំបានចេញពីព្រះដំណាក់បើគ្មានការចាំបាច់នោះទេ ទោះបីជាចេញទៅណាមកណាក៏ពាក់ម៉ាស និងលាងដៃដោយអាល់កុលការពារជាប្រចាំដែរ។
ខ្ញុំនិងក្រុមគ្រួសារសូមជូនពរដល់បងប្អូនដែលកំពុងមានជំងឺកូវីដទាំងអស់ទាំងសិល្បករ ក៏ដូចជាប្រជាជនដទៃទៀតឆាប់ជាសះស្បើយឡើងវិញ ហើយបងប្អូនទាំងសូមមេត្តារួមគ្នាគោរពតាមការណែនាំរបស់ក្រសួងសុខាភិបាល និងសារាចរណ៍របស់រាជរដ្ឋាភិបាលនៃយើង។
ជាមួយគ្នាខ្ញុំ និងក្រុមគ្រួសារក៏សូមបួងសួងទេវតាថែរក្សាប្រទេសកម្ពុជា សូមជួយថែរក្សាការពារប្រជាជនខ្មែរ ក៏ដូចជាប្រទ សកម្ពុជាទាំងមូលបានជៀសផុតពីជំងឺកូវីដ១៩នេះ អោយបានឆាប់ៗបំផុត។»៕ រក្សាសិទ្ធិដោយ៖ លឹម ហុង
