ស្ទឹងត្រែង ៖ ជនជាតិឡាវម្នាក់ ដែលជាមេខ្លោងជួញដូរគ្រឿងញៀនប្រមាណ៣០គីឡូក្រាម ត្រូវបានកម្លាំងនគរបាលប្រឆាំងគ្រឿងញៀន ចាប់ខ្លួនបាននៅចំណុចស្ពានទី២ ផ្លូវទៅវ៉ឺនខាំ ព្រំដែន ខេត្តស្ទឹងត្រែង និងខេត្តចំប៉ាសាក់ ប្រទេសឡាវ នៅព្រឹកថ្ងៃទី៣ ខែមីនា ឆ្នាំ២០១៨នេះ។
កម្លាំងនគរបាលការិយាល័យ ក៥ នៃមន្ទីរប្រឆាំងគ្រឿងញៀន សហការជាមួយកម្លាំងនគរបាលខេត្តស្ទឹងត្រែង បានបើកប្រតិបត្តិការឈានទៅដល់ការចាប់ខ្លួន មេខ្លោងជួញដូរគ្រឿងញៀនដ៏ធំម្នាក់ ឈ្មោះ កុប គីរីប៉ាត់ ភេទប្រុស ជនជាតិឡាវ អាយុ៤៣ឆ្នាំ ទីលំនៅភូមិថាំងឃុក ស្រុក-ខេត្តចំប៉ាសាក់ ដោយចាប់យកវត្ថុតាង សារធាតុញៀនប្រភេទមេតំហ្វេតាមីន(ICE) ៣០កញ្ចប់ ទម្ងន់ប្រមាណ៣០គីឡូក្រាម ៕ ដោយ៖បញ្ញាស័ក្តិ
