ភ្នំពេញ ៖ អ្នកមានវិជ្ជមាននឹងមេរោគកូវីដ១៩ ល្ងាចថ្ងៃទី១៨ ខែមីនា ឆ្នាំ២០២១ ក្នុងមូលដ្ឋានខណ្ឌឫស្សីកែវ ក្រោយពីទទួលបានព័ត៌មានពីមន្ត្រីសុខាភិបាល ភ្លាមៗនោះអាជ្ញាធរបានខិតខំស្វែងរកអ្នកជម្ងឺតាំងពីយប់ថ្ងៃទី១៧ ខែមីនា ឆ្នាំ២០២១ ដោយសារតែប្រព័ន្ធទូរស័ព្ទរបស់អ្នកជំងឺមិនអាចទាក់ទងបាន ហើយជាក់ស្ដែងមកដល់វេលាម៉ោង១៧ និង០០ នាទី ល្ងាចថ្ងៃទី១៨ ខែមីនា ឆ្នាំ២០២១ អាជ្ញាធរបានរកឃើញអ្នកមានវិជ្ជមាននឹងមេរោគកូវីដ១៩ខាងលើនេះ ចំនួន ០១ នាក់ ជាបុរស អាយុ ១៨ បាននិងកំពុងស្នាក់នៅផ្ទះជួល ផ្លូវបេតុង ភូមិផ្សារតូច សង្កាត់ទួលសង្កែទី១ ខណ្ឌប្ញស្សីកែវ រាជធានីភ្នំពេញ (ទល់មុខស្ថានីយ៍ប្រេងឥន្ទនៈ PTT)។
បច្ចុប្បន្នអ្នកជំងឺត្រូវបានបញ្ជូនទៅព្យាបាល នៅអតីតសណ្ឋាគារអ៉ីនធើខនទីណង់តាល់ (The Great Duke) ជាចុងក្រោយ អាជ្ញាធរ សម្រេចបិទទីតាំងខាងលើនេះជាបណ្ដោះអាសន្ន៕ រក្សាសិទ្ធិដោយ៖សារឿន
