ភាគហ៊ុនហ្ក្រេនធ្វីន (GTI)បានបន្តសន្ទុះកំណើន ចំនួន ៣០០រៀល បន្ថែមទៀត រហូតឡើងដល់ ៤.២០០រៀល ដែលថ្លៃប្រហាក់ប្រហែលនេះបានប្រទះឃើញលើកចុងក្រោយកាលពីត្រីមាសទី ២ឆ្នាំ២០២០។
ភាគហ៊ុនបីផ្សេងទៀត ភាគហ៊ុនតំបន់សេដ្ឋកិច្ចពិសេសភ្នំពេញ (PPSP) ភាគហ៊ុនកំពង់ផែស្វយ័តក្រុងព្រះសីហនុ (PAS) និង ផេសថិក (PEPC) ក៏មានកំណើនផងដែរ មកដល់ ១.៧៥០រៀល ១៣.១២០រៀល និង២.៩៩០រៀលរៀងគ្នា ដែលមានចន្លោះកំណើនពី ៣០រៀល ទៅ ៥០រៀល។
ភាគហ៊ុនរដ្ឋាករទឹកស្វយ័តក្រុងភ្នំពេញ (PWSA) វិញបានបិទដោយមានការថយចុះ ២០រៀល មកត្រឹម ៦.៣៦០រៀល។ ភាគហ៊ុនភាគហ៊ុនកំពង់ផែស្វយ័តក្រុងភ្នំពេញ (PPAP) និង អេស៊ីលីដា (ABC) បានរក្សាថ្លៃថេរដដែល។
សន្ទស្សន៍ផ្សារមូលបត្រកម្ពុជា (ផ.ម.ក.) បានកើនឡើង ០,២០ភាគរយបន្ថែមទៀត មកដល់ ៦៣៨,១៩ ពិន្ទុ។
ទំហំជួញដូរភាគហ៊ុនសរុបមានចំនួន ២៦៦,៥៥ លានរៀល ដែលភាគហ៊ុនតំបន់សេដ្ឋកិច្ចពិសេសភ្នំពេញ (PPSP) មានចំណែកដល់ទៅប្រមាណ ៦៥ភាគរយ៕
រក្សាសិទ្ធិដោយ ៖ CEN
