ព្រះសីហនុ ៖ សណ្ឋាគារ និងអគារចំនួន ៦ កន្លែង ដែលជាប់ពាក់ព័ន្ធមានអ្នកជំងឺកូវីដ១៩កាលពីពេលកន្លងមក ក្នុងព្រឹត្តិការណ៍ ២០ កុម្ភៈ ត្រូវបានបញ្ចប់ការធ្វើចត្ថាឡីស័ក និងអនុញ្ញាតឲ្យដំណើរការឡើងវិញ ក្រោយពុំត្រូវបានរកឃើញមានអ្នកពាក់ព័ន្ធនៅកន្លែងនោះទៀត។
នេះបើយោងតាមលិខិតរបស់អភិបាលខេត្តព្រះសីហនុ បានបញ្ជាក់ឲ្យដឹងថា សណ្ឋាគារទាំង៦កន្លែង ដែលបញ្ចប់ការធ្វើចត្តាឡីស័កនោះរួមមាន៖
១- អគារស្នាក់នៅរួមវ៉ាន់ឃឹឈឹង (អគារស្នាក់នៅរបស់បុគ្គលិកសណ្ឋាគារកាស៊ីណូជីនប៉ី) ក្នុងសង្កាត់លេខ៤ ។
២- សណ្ឋាគារ ភោជនីយដ្ឋាន ៨៨១១ ស្ថិតនៅផ្លូវលេខ៧០៧ ភូមិ៣ សង្កាត់លេខ៣។
៣- សណ្ឋាគារហានហ្គ័ន (មីងគ័ន) ស្ថិតនៅផ្លូវលេខ១១៥ ភូមិ៤ សង្កាត់លេខ៤។
៤- សណ្ឋាគារ អាលីយ៉ា អ៊ីនធ័រណេសិនណល ស្ថិតនៅផ្លូវ២៣ តុលា ភូមិ៤ សង្កាត់លេខ៤។
៥- សណ្ឋាគារ ប្រីលលានស៊ី និងកាស៊ីណូប៉ឡាយ ស្ថិតនៅផ្លូវលេខ៣០០ ភូមិ៤ សង្កាត់លេខ៤។
៦- សណ្ឋាគារ-កាស៊ីណូជីនប៉ីព័រអ៊ី (ជីន ប៉ី៣) ស្ថិតនៅផ្លូវលេខ១១៥ ភូមិ១ សង្កាត់លេខ៣។
តែទោះយ៉ាងណា លោក គួច ចំរើន ក៏បានណែនាំឱ្យអ្នកគ្រប់គ្រង និងបុគ្គលិក នៃសណ្ឋាគារ និងអគារស្នាក់ខាងលើនេះ ត្រូវអនុវត្តឱ្យបានម៉ឺងម៉ាត់តាមវិធានការ «៣ការពារ និង៣កុំ» របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសេចក្ដីណែនាំរបស់ក្រសួងសុខាភិបាល៕ រក្សាសិទ្ធិដោយ៖ លឹម ហុង
