តាមកាសែតភាសាថៃ Matichon បានរាយការណ៍កាលពីថ្ងៃទី១៧ ខែមីនា ឆ្នាំ២០២១ ឲ្យដឹងថា បុរសខ្មែរម្នាក់អាយុ ២៣ ឆ្នាំ ត្រូវបានចាប់ខ្លួន និងចោទប្រកាន់ពីបទប៉ុនប៉ងប្លន់នារីអូតែសជនជាតិថៃម្នាក់ នៅកន្លែងចំណតរថយន្តមួយកន្លែង ក្បែរផ្សាររាត្រី Liabduan Ram នៅកណ្តាលអធ្រាត្រ ថ្ងៃទី២៨ ខែកុម្ភៈ ឆ្នាំ២០២១ កន្លងទៅនេះ។
ជនរងគ្រោះជានារីអូតែស បានសរសេររៀបរាប់ពីហេតុការណ៍នេះ នៅលើគណនីហ្វេសប៊ុករបស់ខ្លួនថា «មានចោរប្លន់ម្នាក់បានបើកទ្វាឡាន ខណៈនាងខ្ញុំកំពុងស្ថិតក្នុងរថយន្ត ហើយចាប់ផ្តើមច្របាច់.ក និងប្រាប់ខ្ញុំឲ្យប្រគល់លុយ និងរបស់មានតម្លៃទាំងអស់។
នារីរងគ្រោះបានប្រាប់ Matichon ឲ្យដឹងថាថា «ខ្ញុំបានប្រតាយប្រតប់ និងគ្រប់គ្រងចុះចេញពីឡាន ហើយស្រែកឲ្យគេជួយ»។
នេះគឺជាបុរសជនជាតិខ្មែរដំបូង ដែលត្រូវបានចោទប្រកាន់ពីបទចូលទឹកដីថៃ ដោយគ្មានការអនុញ្ញាត។
ជនសង្ស័យរូបនេះ បានសារភាពថា រូបគេបាននិងកំពុងស្នាក់នៅ និងធ្វើការនៅក្នុងប្រទេសថៃ អស់រយៈពេលជាយូរមកហើយ ដោយចូលតាមស្រុកកាបឈៀង ខេត្តសុរិន្ទ ហើយក៏បានស្គាល់ពីបទល្មើសរបស់ខ្លួន ដែលបានប៉ុនប៉ងប្លន់ស្ត្រីរងគ្រោះនៅក្នុងរថយន្តនៅខាងក្នុងចំណតរថយន្តផ្សារចៃ កាលពីថ្ងៃទី ២៨ ខែកុម្ភៈ៕ រក្សាសិទ្ធិដោយ៖ លឹម ហុង
