Wednesday, June 29, 2022

អាជ្ញាធរខេត្ត​កំពង់ឆ្នាំង អំពាវនាវ​ដល់​សិស្សានុសិស្ស​លេង​កីឡា និង​ចៀស​ឆ្ងាយ​ពី​គ្រឿងញៀន​

​កំពង់ឆ្នាំង ៖ ឯកឧត្តម អៀង វុ​ធ អភិបាលរង​ខេត្តកំពង់ឆ្នាំង បាន​អំពាវនាវ​ដល់​សិស្សានុសិស្ស អោយចូល​រួម​លេង​កីឡា ហើយ​ត្រូវ​ចៀសវាង​ការ​ទៅ​ប្រព្រឹត្ត​អំពើ​អបាយមុខ​ផ្សេងៗ ជាពិសេស​ចៀស​អោយ​ឆ្ងាយ​ពី​គ្រឿងញៀន​។ ឯកឧត្តម​អភិបាលរង​ខេត្តកំពង់ឆ្នាំង បាន​មានប្រសាសន៍​អំពាវនាវ​បែបនេះ នៅក្នុង​ឱកាស​អញ្ជើញ​ចូលរួម​ក្នុង​ពិធី​បិទ​ការប្រកួត​កីឡា​សិស្ស​បឋមសិក្សា​និង​មធ្យមសិក្សា នៅ​ព្រឹក​ថ្ងៃទី​៣ ខែមីនា ឆ្នាំ​២០១៨ នៅ​ទីលាន​បាល់ទាត់​មុខ​សាលាខេត្ត​កំពង់ឆ្នាំង ។

ឯកឧត្តម​អភិបាលរង​ខេត្តកំពង់ឆ្នាំង បន្ថែមថា ជាការ​ពិតណាស់​សកម្ម​ភាព​កីឡា​គឺ​បានផ្តល់​នូវ​សារប្រយោជន៍​ចំពោះ​ការកែប្រែ​ឥរិយាបថ លប់បំបាត់​អំពើ​ហឹ​ង្សា ដោយ​បង្ហាញ​នូវ​ភាពទន់ភ្លន់ ន​ង្កើ​ន​គុណភាព​ផ្នែក​សិ​ល​ធម៌ សុជីវធម៌ អោយបាន​សមស្រប​ទៅតាម​ស្មារតី​នៃ​ការលើកកម្ពស់​កិត្យានុភាព​ជាតិ​នៃ​កេរ្តិដំណែល​ប្រពៃណី​វប្បធម៌ អរិយធម៌ អត្តសញ្ញាណ​ជាតិ​និង​សេចក្តីថ្លៃថ្នូ​របស់​ខ្មែ​យើង ។​

​ជាមួយគ្នា​នោះដែរ លោក សឹម ប្រឹម អនុប្រធាន​មន្ទីរអប់រំ យុវជន​និង​កីឡា​ខេត្តកំពង់ឆ្នាំង ក៏បាន​អោយដឹង​ដែរ​ថា ឆ្លងកាត់​ការប្រកួត និង​ស្វិតស្វាញ នៅលើ​ទីលាន​ប្រកួត​ទាំង​៤ ប្រភេទ​កីឡា អស់​រយះពេល​៧​ថ្ងៃ​កន្លងមកនេះ បានកត់សម្គាល់​ឃើញថា ក្រុមកីឡា​នីមួយៗ កីឡាករ កីឡាការិនី​ទាំងអស់​បាន​យក​អស់​កម្លាំងកាយ កម្លាំងចិត្ត សមត្ថភាព​បច្ចេកទេស និង​ទេពកោសល្យ របស់ខ្លួន​ដែល​បាន ចូលរួម​ប្រកួត​ប្រកបដោយ​ទឹកចិត្ត​ក្លៀវក្លា​ក្នុងនាម​ជា អ្នកកីឡា ឈរលើ​ស្មារតី​គោរព​វិន័យ បទបញ្ជា​បច្ចេកទេស និង​ចេះ​ស្រលាញ់​យោគយល់ អធ្យាស្រ័យ​គ្នា​ទៅវិញទៅមក​៕​ ​ដោយ​៖​ចៅ សន​